انتي المفروض ما تسمين نفسج الحزينة انتي المفروض تسمين نفسج الرائعه
صج لي قالو اذا شفت هموم غيرك تهون عليك مصيبتك
والله اني اقرا قصتك وانا عيوني تدمع
صدقيني وثقي بكلامي على كثر ما حبيتي هالانسان وتزوجتيه وزاد يمكن حبج له بعد الزواج ربج مو كاتب انج تكملين حياتج معاه ،،، سبحان الله ربج عالم ماتدرين يمكن ترجعين له في يوم من الايام او ان شاء الله ربي بيعوضج اخير واطيب واحسن منه تدرين ليش؟ لانج انسانة نيتج صافية وطيبة وصدقيني ما امدحج انا ما اعرفج لكن من خلال قرايتي لقصتج وربج يرزق الناس على نياتهم
ام سلمة رضي الله عنها يوم توفى عنها زوجها قالو لها الناس بما معناه ان شاء الله ربج يعوضج اخير منه وهي تقول بينها وبين نفسها مافي اخير من زوجي ابو سلمة وبالاخير ربي زوجها الرسول عليه الصلاة والسلام
خلج مستمرة في طريجج طريج الخير والبركة لان هذا الطريج اللي راح يسهل لج امورج ويفرج عنج همومج ان شاء الله
حبيبتي لا تظنين او تحطين في بالج انه مشكلتج كبيرة ومحد مر في تجربة فاشلة الا انتي ، صدقيني والله اعرف بنات قمة في الجمال والاخلاق وتجاربهم الفاشلة كانت فعلا فعلا حزينة ولو فكرت اني اقصها لاحد محد بيصدق لانها تشبه الافلام ،ومع هذا اشوف هالبنات مستمرين في حياتهم وبشكل رائع ومقوين ايمانهم بربهم وانتي ماشاءالله عليج من غير ما اقول او انصح مبين عليج ايمانج قوي
لكن كل اللي اطلبه منج وياريت تنفذينه تشيلين من راسج انج فتاة حزينة حتى مبين من توقيعج انج مهمومة ومكتأبة ،،طالعي لجدام وفكري بالمستقبل واللي راح يصير ، الماضي شي لابد منه ومحد يقدر ينسلخ منه لكن مو معقولة نعيش حياتنا مربوطين بحبل الماضي؟؟
وصدقيني كثري من قيام الليل والدعاء فيه والله ان الدعاء مثل السحر لكنه سحر حلال خاصة اذا كان طالع من القلب
الله يفرج همج وهمنا وهم الجميع وييسر امورنا اللهم آمين
سامحيني على الاطالة