ماعليح حبووبة لا تحاتين

ترى حتى آنه قبل ما املج كنت خايفة
وافكر شلون بتعود على زوجي
وشلون بآخذ عليه .. ومعقولة اتعود عليه؟
واسأله مالها اول ولا تالي..

ولكن بعدين في اول ليلة قعدت معاه بروحنا
ما حسيت بخجل الا خجل قليل جداً
واستغربت من نفسي اتكلم بكل طلاقة
وحرية .. مع حركات يدي وتعابير وجهي
وكأني اكلم وحدة من ارفيجاتي..

وحتى إني من ثاني يوم انفعلت (ماتذكر على شنو)
بس إلي اتذكرهـ إنه كان يضحك معاي ويبي يرفع ضغطي
نسيت روحي ورميت عليه مخده الكرسي (التكيه)
في البداية كان يبي يخرعني (خزني بعينه) ولكن بعدين دخلنا في توبة ضحك هسترية

سبحان لله للحين مستغربة من وين ياتني الجرئة!!
مع إني من النوع الخجوول جداً جداً جداً
لدرجة إني في يوم المقابلة (او الشوفة على قولتكم)
سويت فلم هندي !! للحين يضحكون عليها اهلي وربعي


وهذا مو بس كلامي..

ترى حتى ارفيجتي كانت شايلة هم خجلها
وشلون بتتعامل مع خطيبها وتتعود عليه..
وتفاجأت من كلامها لمن قالت
مادري اشفيني ما ستحيت من خطيبي
توقعت آستحي منه اكثر من جذي .!

وهذا بالضبط إلي حسيت فيه ..


اتطمني حبووبة .. ولا تشيلين هم

وإذا كان خطيبج من النوع الحيوي والي يسولف
ويضحك ويمزح

بتكون المسأئلة أسهل وأسهل وأسهل ..




وعن ليلة الدخلة لا تشيلين هم
اهو بروحه بقولج شنو يبيج اتسوين
وشنو ما يبين اتسوين ..

والملابس بعد ..
بعدين انتي بروحج إذا تعودتي عليه..
بتحسين بمعته اذا لبستي له لبس مغري



دوونت ووردي .. كلها جم يووم وتروح كل هالمخاوف


بالتوفيق حبوووبة .. =)