اختي بحب اشاركك همومك
نفس مشكلتي
انا بعرف اخباره لما بحكي عالتلفون مع اصدقائه
السبب الرئيسي لهالشي هو جلوس زوجي أمام الكومبيوتر طوااااااااااااااااااااال الوقت
بس بصراحة انا ما بدور عن حل لهالمشكلة لأنه الطبع غلب التطبع
و من حوالي سنة صارحته و اعتذر مني و وعدني يتغير و ما تغير
منقعد مع بعض فقط وقت الطعام و هو طوال الوقت ساكت و شارد
يعني حتى لو انا حكيت معه ما بسمعني أو بسمع نص الحديث و النص التاني بحكيه مع حالي !
بعد الطعام لما بعمل قهوة باخدله القهوة لغرفة الكومبيوتر و برجع لغرفة الجلوس
احيانا بقلي تعالي اشربي معي القهوة
بفرح
بروح بجيب فنجاني و بروح عنده بقعد بجابنه متلي متل أي غرض بالغرفة
يعني هو بشرب القهوة و وجهه بالكومبيوتر طوال الوقت و انا جنبه قاعدة عم بتطلع بالشاشة
بحاول اقرأ شي من الشاشة عشان ابدأ معه حديث مشترك و يكون حديثي حلو و ما يمل منه
بطلع و بنزل بالماوس لفوق و تحت و ما بخليني أقرأ
بحمل فنجاني و بطلع من الغرفة
و طبعاً هو موووووووووووو حاسس بشي
بنسى انه أصلاً قلي تعالي لعندي
الحاصلو
انه كل الرجال هيك
كلهم متل بعض !!!!!!!!
كلامهم قليل و خصوصاً داخل البيت
عادي
لا تدققي بتتعبي كتيييييييير و بتوجعي راسك عالفاضيييييييييييييييييي
__________________
.
.
استودعتك أهلي في سوريا يا من لا تضيع ودائعه