يعني الحين انتي ماتحسين بشوق اتجاهه ولا بحب لانه مايغرقج بكلمات الحب ولا هو رمانسي؟!!


الرجال تختلف في اظهار الحب

منهم العاشق الهيمان الي يعبر بكل طلاقة عن الحب ورمانسي يكون
ومنهم يعبر عن حبه بالتودد وباغراق المال على شريكة حياته ويكون له سند وظهر في هذي الحياة
ويقوم بكل واجباته بدون تقصير هذا مفهوم الحب يكون عند هذي النوعية
وفيهم من يعبر عن حبه بالغيرة الشديدة على زوجته
وفيهم من يبين لج حبه الكبير من خلال وقفاته معاج ومع اهلج

وفيهم ... وفيهم ... وفيهم...... الخ

باختصار الرجال انواع كما النساء انواع كما الناس اجناس

يمكن يكون هذا عيبه انه قليل الكلام الرومانسي لانه الحين رجل وانخرط في الحياة العملية والجد ويحاول يحافظ على بيتنه وعياله وزوجاته بالعقل مو بالاحلام الوردية لانه في اعتقاده ماتوكل عيش الرومانسية وانه تخطى مرحلة المراهقة وايد ريال عندهم هذا التفكير

لكنه عيب واحد في اعتقادك فيه مو مشكلة قدرتي تتعايشي معاه وفي اعتقادي انا بعد مو عيب انه يكون قليل الرومانسية
لانج تقدرين تغيرين من هالشي فيه

بس انظري لنفسج يالغالية اكيد فيج عيوب وريلج غاض النظر عنها صح ولا لاء؟!

ومافي احد كامل الكمال لوجه سبحانه
خلقنا هكذا كل واحد منا يكمل الثاني مافي احد كامل

الحين الباقي والدور عليج شسوين !!؟
انتي اخلقي جو الرومانسية جو الحب جو الكلام الرومانسي
سوي له ليالي رومانسية

نادينه باحلى الاسماء واحلى الالقاب الرومانسية
اعملي له حركات على المرايا في البيت في غرفة النوم
اجلبي له الهدايا احرصي على اكثر من مناسبة
الحين جاي العيد اخذي له هدية كلها رومانسية

فيه العاب رومانسية للمتزوجين
ابدأي انتي وعوديه على الكلام الرومانسية
احتضنيه بوسيه قبل النوم
في المطبخ تفنني في اشكال المطبخ

حببيه لنفسج

ارسلي له رسايل غرام وشوق

المقصود من كل هذا
ابدأي بنفسج انتي تحركي على هذي الرومانسية
لاتنتظرين منه يبدأ ابدا انتي بادري لهشي وحاولي تعودينه وعيشي الجو انتي بعد علشان تحبينه

ارسلي له الهدايا
"تهادوا تحابوا"

الله يوفقج يارب ويفتح لج من ابوابه كل خير وييسر امورج ويقضي حوائجج يارب
ويسخر قلب زوجج لج ويسخر قلبه لج ويجمله في عينج ويجعلج قرة عينه واجمل الجميلات في عيونه
وربي يحفظ لج زووجج وعيالج من سوء ياارب
ويجمعكم على المحبة والمودة يااارب دوم الدوم
الله يفرجها من عنده يارب

موفقة اختي الغالية

__________________