اقتباس:
|
المشاركة الأصلية كتبت بواسطة زوجة سعود
طيب وش اقدر اسوي انا اقنعته يروح للطبيب وراح وقال لي انه في التهاب بروستات وسالته قلت له انك انت ماتقذف بسرعه قال ايه وانه الطبيب رد عليه انه من البروستات  ويقول انه الدكتور يقول لانك تعودت على العادة السريه من قبل الزواج انا متأكده انه مو هذا كلام الطبيب لانه انا صيدلانيه وقريت في هالمواضيع
المشكله الحين صارت اكبر تكلمت معاه بصراحه في هالموضوع وانا متنرفزه وصارت بينا مشكله كبيره مره
والحين انا في بيت اهلي وهو ناوي يطلقني لانه انا مااحترمه ولااعرف اتعامل معاه
مااعرف وش كان يبي مني صبرت على هالحال كثير ولاكان يهمني لكن لاني اعترضت عليه انه يخليني ويسهر عند اصحابه خاصه انه مسافر لبلد ثاني ولايزورني الا يومين بالاسبوع
ماادري ليه قاعد يصير معاي كذا |
لا حول ولا قوة الا بالله
يا اختي معقوله مشكله صغيره مثل هذي تتفرع لتصل للطلاق؟!
يالله
ليش صار الطلاق بهالسهوله؟!!
اذا انتي زوجته ما احتويتي وما سترتي عليه منو اللي بيسوي هالشي؟؟
يسهر عند ربعه؟! خير يا طير....مو هو الرجال الوحيد اللي بالدنيا يسهر!!! انا زوجي يسهر بشكل شبه يومي
بس مستحيل اتخلى عنه بهالسهوله
بحارب بنفس طويل وبصبر...لانه زوجي ستري وغطاي يستحق مني الصبر
يا اختي انتي شو عرفج انه زوجج كان يكذب عليج؟!!
يمكن يكون صادق بموضوع المرض؟!
وحتى لو كان يكذب.... ترى موضوع زيارة الطبيب لموضوع حساس مثل هذا مو سهله ابد!!!
وانا متأكده انج لو كنتي صابره وطيبه معاه كان بيروح
شفتي قصة اختنا غلا ومعاناها مع زوجها اللي ما يرضى يعالج من الانجاب لسنين ....وصبرها وحبها له؟!!
وبعدين يا اختي انا متأكده انه ذهابه لاصحابه هروب من نظراتج اللي تجرحه كل دقيقه!
وان كنتي فشيتي بسره لاحد من اهلج فاسمحي لي...اعتقد انه من الصعب عليه ان يسامحك !!!!