قهررر = جزيت الجنة ..لي عودة على كلامك واشكرك على اهتمامك (سامحني للمرة الثانية أأخر الرد عليك)
شخص111
جزاك الله خيرا ان جعلت من وقتك لمساعدتني..
اخي الكريم : أنت سألت (( اسألك هل زوجك لمجرد أن يبتعد عن البيت لا يطيق ولا يرتاح حتى يعود
وتلاحظي عليه القلق او كحال المتعجل خصوصا اذا كان خارج البيت .))
الجواب زوجي ينبسط لما يخرج مع زملاه وأحس ان نفسيته تتحسن واحيااااااااانا بعد ما اسأله عن الحوارات اللي دارت بينهم يجاوبني وهو مبسوط ( يااااااه من زمااااااان ما راح مع زملاه ..حتى زملاءه الطيبين(زملاء الدراسة الليلية) تركهم وما صار يسأل عنهم وانا من يحثه على ان يتصل بهم )
لكن وما اصعب لكن لما نكون مساااااااااااااافرين لآي مكان أو عند اهالينا علما بأن اهالينا يبعدون عن مدينتنا بحوالي 1000 كيلو أو أكثر..إلا انه لا ينبسط إذا زارهم بل العكس يكون مكدر الخاطر ولا يتحمل منهم كلمة قوية (مثل انت ليش للحين ما عندك بيت ..ليش ما تتعالجون للانجاب..شف فلان اصغر منك ومعاه بيت كبير ..ليش ما تطول اجازتك وتقعد معنا زي الناس..اجازتك مرة قصيرة ..الخ) لما ابوه أو أمه يقولوا له هالكلام على طووووووول يزعل ويساااااافر للرجوع لبيته..ويكون هو عند اهله وانا عند اهلي ..ما يكلف نفسه يجي ياخذني ويوديني عند اهله والله اني متفشلة من خالتي لي سنتين او اكثر ما زرتها مع زوجي إلا اذا رحت لهم يوم بس ويوديني لهم احد اخوتي الله يحفظهم (مدينة اهله يبعد عن مدينة اهلي باكثر من400 كيلو )
زوجي يحب الانترنت ونااااادرا ما يطفش منه ..وكان اغلب وقته محادثات وقد شفت له محادثات كلامية في الجهاز مع بنات من شمال غرب افريقيا وكان يقول لهم كلام جميييييييييل ما عمره قاله لي..انتي فوق الراس..انا في الخدمة..الخ
وعددهن اربع بنات واعرف اسماءهن وكان يكلمهن بالجوال وشفت ارقام بلادهن
لكن عفى الله عما سلف واتمنى انه ترك هالطريق القذر (طبعا وقتها صارت بينا مشاكل لكن ان شاء الله انه تركهم)
طبعا هو الغى ارقامهم من جواله في ذلك الوقت لكن حاليا صار عنده رمز قفل بحيث لن استطيع فتح جواله ابدا
والله ان ذلك حز في خاطري نحن زوجين ما بينا اسرار..لا حول ولا قوة إلا بالله
علما بأن مشكلة محادثات البنات في المسنجر والسكايبي كانت قبل حوالي8 إلى 9 شهور (حسبي الله عليهم إن كان غرضهم تفريقنا )
صدقني انا نفسي اشغل وقت زوجي بشيء مفيد..مثل حضور حلقات والدروس العلمية في المساجد
قراءة كتاب ومناقشته سويا
قراءة جزء من القرآن يوميا
زيارات اصحابه في البيت او هو يذهب لهم
لكن زوجي ترك كل هذااااا و ان شاء الله يتعدل مع هذا الشهر الفضيل
على فكرة هو يقعد على النت لثلاث اشياء (محادثات + استماع لمناقشات مذهبية + تحليلات الاسهم )ونادرا ما يدخل على البنوك والحسابات وما يتعلق بها
اذا عندك حلول ..لا تبخل علينا ..جزاك الله خيرا وجعله في ميزان حسناتك
نادوا + دلوعة24 = جزاكم الله خيرا..امييييييييين ولكم بمثل
فهد الجبيل..جزاك الله خيرا..في مثل يقول ..النار ما تحرق غير رجل واطيها
تخيل وحــــــــــــدة + صمت مطبق + هدوء مخيييييف يلف ارجاء البيت+ تكشييييييييرة لا تزول إلا نادرا+ زعل بدون سبب + حرمان نفسي = بالله هل تتحمله أي امرأة ..انا متحملة وصابرة ولله الحمد لكن ما جنني حاليا..استمرار زعل زوجي الا مبررررررر... ولهذه المدة..الحين جا من العمل و تعمدت القاه في الصالة وانا ماسكة المصحف ومبتسمة وما سويت شيء..وسويت نفسي ما دريت انه جاء وقلت ما شاء الله جيت..قال ايه من زماان..وعلى طول راح قاس وزنه..سألته هاااااااه كم نقصت (انا كنت ما رح اكلمه ولا اسأله اصلا بس قلت خليه يقول اني ما ني متأثرة واني مطنشة زعله واني ريلاكس على ما يقولوا ) قال ..مااااااااااااااااااااالك دخل؟؟؟ وش دخلك فيييييييني؟؟
عاااااد انا سويت نفسي عااااادي وقلت اكيد بتنحف عشان ما صرت تاكل زيا ول..
وطفيت اللمبة وهو راح ناااااااايم..
يا اخي الزواج = حقوق + واجبات ..سبحان الله سماه ميثااااااااااق غليييييييييييظ
__________________
الحمدلله حمدا يليق بجلال وجهه وعظيم سلطانه..الله اجعل ابنتي من الصالحات وأعني على تربيتها يارب