كل عام وانتم بالف خير

شكرا اخي لنصيحنتك سابقا ولردك حاليا


للتمسك احسه انه متمسك في ولا يرغب بمشاكل

ويمكن تضايقه ثوراتي

هو يبي مايتغير شي

ان استسلم لمزاجياته ولرغباته

لو سكن عنه يصير زين معي

لكن ايضا الوضع متعب

مااشوفه طول اليوم لعمله تقبلت


والعكس مايجي البيت الا واريحه لهذا هو يقولها بنفسه انه يفضل يجلس بالمنزل على انه يخرج
مو لانه بيتوتي

حتى لما نتخانق ونختلف مايخرج خارج المنزل الا ليروح للقهوة لانه لما نختلف يفتقد جلستنا لنشرب الشاي والقهوة ونتكلم بوقتها


كل هذا متحملته
عارفة انه مضغوط بعمله
عارفة ان عقله يشتغل يفكر باعماله
عارفة انه ظاهريا مافيه امراة غيري بحياته

لكن اللي طلبته على الاقل للامر الحميم يحسسني بانوثتي

انا مو اخته ولا امه ولا صديقه وبس

صحيح كثير من الزوجات يحلمن ان يكن بهذا الدور لازواجهن

واقولها لك احيانا افكر بالطلاق انتقاما منه لاشوفه كيف بيضيع بدوني وهو عارف هذا الشي وصار يعاقبني بالفراش للشي اللي مااقدر احصله بدونه

لكن حتى لما اكون معه كما يحب اسلوبه معي بالعلاقة الحميمة لا يشبعني

قبلت ايضا ان ظروفه والعمر والوقت تغير وقاومت رغباتي وطلباتي

مااطلبه منه ان يتخلى قليلا عن انانيته ويحس بي كانثى

اخر مشاكلنا يقول لي ماتحترميني لاني جرحت رجولته

قلت له وانت سنوات تجرح انوثتي
ماكاني امراة معك

لو وضعت ساقي على ساقك ماتنتبه وكانها ساقك الثانية
لو ارقص لك ماترفع راسك عن الجريدة اللي تقراها

لو اني اقبلك واحضنك ماتتحرك منك شعرة وتبعدني وكاني قطة تلاعبك
لو اني عارية امامك مااحرك فيك شعرة

لو احممك ماتكلف نفسك حتى تمسك يدي

وحجته الرجل بعد 10 سنوات من الزواج يتعود على زوجته ويصير ماينتبه لشكلها

يعني ماهو المفترض كل 10 سنوات يغير لزوجة جديدة

من هو الاولى يحس بالممل
زوجة جالسة معظم الوقت بروحها لزوج لا يعطيها مشاعر ولا حتى احساس وحتى هم بالفراش ولا يغير من نفسه وتقليدي وحركاته حافظتها ورتيب باسلوبه ويرفض التغيير او محاولة ايجاد اي شي جديد لتجديد الحياة الزوجية
وعنده ان التجديد هو ان يذهبوا لمطعم جديد ليتكلموا عن الاكل وديكورات المحل

من الاولى انها تمل مع زوج يرفض ان يواجه مشكلته الاساسية مع زوجته

كلام مثل هذا مايجرح اي زوجة

اذا هو مل مني انا اش اقدر اعمل غير اللي عملته

شكلي ومتجددة فيه

خفيفة ظل بس وياكم هنا جد بالعادة النكتة على طرف لساني وردودي سريعة

بالتعامل معه ماكاني متزوجة من عهد الدينصورات

اقول له اش رايك نعيد ذكرى زواجنا طبعا بعد احباط مستمر لانه باللالي الرومانسية ينكبني نكبة الشر بطلت امنت اني متزوجة ديناصور وانه تقليدي لا يحب التجديد

طبعا سؤالي له لاجل انه هو بعد يروح يتجدد لي كعريس وقلت له حتى بحجز لك الصالون سمعت عن صالون يعمل حركات لتجهيز العريس وهو لعرسنا غير انه حلق ذقنه وخلافه ولبس ثيابه ماسوى شي جديد
حتى صورة زينة له لاجل اعلقها بالبيت مافيه

احايله حتى لصورة للتخرج اضعها له بالبيت


مافيه رتيب ممل


وبالنهاية يرمي عيوبه علي


بعد لو مقصرة معه باعذره

لكن وربي يشهد والله ابديه على نفسي وعيالي

لهذا ارجع اقولها مابيحس بقدري الا لما يفقدني