يووووووووووووووه يا خواطر
قولي وش ماسويت
سكت عن جنونه اربع سنين وعليها..وصارت الاتهامات تزيد وتتطور وتتعمق وتصير اكثر فداحه مع الوقت
خلال هالاربع سنين بكا وصياح وانهيارات وتلف في صحتي واكتئاب وقلة الإتصالات مع الناس وماعاد فيه اي شي يفرررررررح في الحياه معاه
طبعا تطورت السالفه معاه صار يقول انتي تدخلين شباب في البيت وانا برا
صار يجي مرات فجأه
يلقاني مرات نايمه مع ولدي
اذا لقاني نايمه قال مهمله المفروض تشتغلين.مع انه مو وقت رجعته من الدوام ويحق لي انظم وقتي زي ما احب وهو برا..
واذا لقاني اشتغل قال ممكن تخبين شي اشفيك كنك ماتبغيني ارجع
اقول له انا منحاسه مع البيت ودي تجي وانا مرتبه اكثر من كذا بس
بعد ماصار يقول اني ادخل شباب ( وعلى الفراااااااااااش)
بديت اشتكي لأهلي(يعني بعد اربعه سنين)
جلس الوالد معاه
فهمه انه عيب
هو انكر كل شي وانه بس كان وقت زعل.....ذبحني بالكذذذذذذذذذذذب جننننننننننني اتعب نفسيتي
ونرجع
بعد ما دخلت اهلي وما نفع قلت ادخل اهله
ودخلتهم وكمان ما نفع ولا بأي شكل من الأشكال
واللي يزيد الطين بله انه يكذب
يعني يروح لأهله وما يبقي عيب الا وحطه فيني
ويجي عند اهلي يقول كنت بس معصب
ويجي عندي يقول تحمليني انا كذا.ويروح بطريقته يضخم الاخطاء
ولا يقول هو وش يسوي,,,وينكر ويكذبني
انا اجي اقول هو ايش يسوي محد يصدق لأن شكله مايعطي خصوصا انه ينمق الكلام
يطلع بشكل وهو يشتكي انه مسكين وشهيد ومغلوب وانه يحاول ومن هالكلام
تعبت والله تعبت
(جالسه اتذكر وعصبت)
بعد ما دخلت اهلي واهله مافاد
لنا سنتين معهم وهم بينا ولا فادونا بشي
اعلنا الهدنه
واعترفنا لبعض ان القلوب شايله لكن خلاص لازم نحافظ على البيت
حضرنا محاضرات..ولا فاد..يقلب كل شي علي..كل شي ضدي انا في نظره مالي اي ايجابيات
الحين اربع سنوات ساكتين وسنتين بأهالينا..يعني ست سنوات
بعدها خلاص ماعاد صرت اشتكي لأن صار شكلي بايخ ..قدام اهلي ابالغ وقدام اهله اكذب
صرت اسكت وانفجر فيه
صرت وقحه صراحه معاه...صرت ابدا ما احترمه...اعلق عليه..اصيح عليه اعلي صوتي ..احط له الاكل واروح اخليه..اطنشه بالايااااام...ماعطيه ريق حلو لافي مكالمه ولا مسج ولا حركه ولا لبس
بس أأدي واجباتي اللي علي له...لكن اي شي زود مني كزوجه تحب زوجها مافيه
صارت حياتنا روتينيه فظيييييييييييييييييييييييييعه
صرت اكش منه...صرت ما اطيق شكله ولا صوته ولا شي منه
كان يقول اول ماتزوجنا انتي ماتصدقين اروح الدوام وانا وربي يشهد علي كنت كل شويه اطالع الساعه استنى رجعته..اذا مو كل عشر دقايق مره اطالع الساعه
لكن مع الوقت صرت فعلا زي مايقول افتك منه اذا طلع..
مع الوقت صرت زي ماهو يقول عني
وخفت لا انحرف صراحه ...كثر الدق يفل اللحام
كل يووووووووووووووووووووووووووووووووووووووووووووووووم انتي خاينه بكلامه بتصرفاته بنظراته بسكوته بنومه لوحده في الصاله كل شي يقول انتي خاينه...مابقي الا هي اسويها فقبل لا اسويها خلاص اطلع من عنده
لا اهلي ولا اهله ولا المختصين النفسيين ولا المحاضرات ولا الشيوخ فادت معاه
خلاص
من الاخر انت مريض تتعالج؟ او اتطلق
قال لا مافيني شي وبأطلقك
انا مو ندمانه على القرار ابدا
انا ماطلعت الا وانا مقتنعه اني خلاص ماعاد انفع له كزوجه...ولا هو ينفعني كزوج..بالعكس صايرين نضر بعض ونضر ولدنا
الزوجه لازم تحب زوجها وتقدره وتحترمه...انا لا خلاص ماعاد عندي شي من هذا صراحه ماعاد فيه الا كره وقلة حيا
كيف تركت البيت؟
بدون اي سابق انذار
قعدت فتره مضغوطه صراحه قلت له ابغى طبيب نفساني علشاني
قال لا مافيك شي
قلت انا ابغى قال اصبري 3 شهور مع ان الشركه هي اللي تتحمل كافة المصاريف ليش استنى ما ادري
ما قدرت
صبرت شهرين وانا مضغوطه بشكل لايعلمه الا الله
حس اني متغيره ...صايره ساكته مكتئبه متضايقه اسهر بالليل اشتغل او على التلفزيون
مخنوقه ابغى اشتكي
جا هذا اليوم ونزلنا من مدينتنا الى مدينة اهلي واهله
قلت له بأروح مع امي للدكتور
قال ليش
قلت خلاص ماعاد اتحمل
انا رحت للدكتور اول مادخلت قلت له يادكتور انا ماعاد اتحمل هالمخلوق ابغاك تشوف لي حل
والله ياخواطر ما رحت للدكتور الا اشوف اني انا المريضه وخلاص ابغى حل لي انا
قال ليش اشفيه زوجك ..قلت له كذا كذا كذا...صار الدكتور يسكتني ويقول طيب انا بقول لك شغلات
اذا هو يسويها علميني لأنه ممكن هو المريض مو انتي
وصار يقول شغلات هل هو يسوي كذا كذا كذا
انا ذهلت ...شغلات ماكنت انتبه لها
منها انه في مره من المرات كان بيستقيل من شغله بدون اي سابق انذار ...مرضى البرانويا عادة يكونون ناجحييييييين وفجأه يتركون النجاح ويمتهنون مهن وضيعه...كان بيترك الهندسه ..تدرين وش كان بيسوي؟
كان بيشتغل سواق تكسي او خضار
وين كان...و... وين يبي يصير
هل كان يفتش في ملابسك؟في اغراضك ؟في جوالك؟ في اي مكان في البيت؟
هل كان وهل كان وهل وهل
كل شي سألني عنه صار
قال اجل مايصلح ترجعين ...خصوصا انه ترى في مرحلة الاربعينات وتشتد هاشغله فيهالعمر...والله سمعنا قصص رجال يذبحوووووووون زوجاتهم وهم نايمات ....فيهم نفس المرض
انا استناه الين يذبحني؟ مجنونه انا؟ لا اطلع براسي سليم يكون احسن
(معروف مرضى الشك المرضي قد يؤذون من هم في دائرة الشك وهذا شي مثبت علميا وجنائيا)
اهلي استوعبوا الموضوع ...صحيح صعب في الاول ولكن استوعبناه
هو رحب بالطلاق...ولكن يماطل
خواته سلبيييييييييييييييييييييييييييييات قالوا مالنا خص
اخته الكبيره قالت ارجعي وبعدين اطلعي ...تبيني اطلع انه هو اللي طلقني مو انا الللي طلبت
قضيه في المحكمه لا مارفعنا لانه قال بيطلق ...
تعبتكم وطولت عليكم