للمعلومية انا ارد على الاعضاء قبل ما انزل الوصفه مو تضنون اني اطنش

المهم اليوم بعلمك طريقه الرز بالحم المبزر

المقادير :

لبن زبادي + ثوم مهروس + كركم + بهارات + ماجي + شوي كاري + هيل حبوب + فلفل اسود حبوب + مسمار حبوب + قطعة قرفة + فخذ او كتف لحم (( والي ماعندها عزيمة تحط قطع لحم))+ رز + فحمة + سمن ((انا حطيت زبدة ))

الطريقه :

بتلاحظون لونين بالطريقه اللون الاسود الطريقه الاصلية اذا فخذ لحم او كتف

والطريقة الفيروزية الي انا سويتها لمن سويت قطع لحم وجوني ضيوفي فجائة فخلص خلال ساعة زمن بس

اولا اجرحي قطعه اللحم بضربات من السكين عشان يتخللها البهارات وغطيها باللبن وبهاراته وحطيهم بصحن وغطيه بقصدير وحطيه بتلاجه ساعتين

ولا طلعتيه من التلاجه<<عادت تلاجه كنا نضن غلط مطبعيحطيه بصينيه وضيفي عليه كاستين ماء وغطيه بقصدير وسوي فتحات بالقصدير عشان يتنسم وشغلي عليه الفرن ساعتين

بعدين افتحي وشوفي استوى او لا وخذي كاستين من المرقه واطبخي فيها الرز وضيفي ماء للحم اذا يحتاج وغطيه لين يستوي بعدها شيلي القصدير وخليه يتحمر

والرز لا زان حطي ماء زعفران وماء كادي وحطي فنجان فيه السمنه وحطي الجمرة فيه وغطيه القدر بسرعه بعد فتره ارفعي الغطا وشيلي الفحمه وكبي السمنه على الرز

وانكبي الرز بصحن وحطي فوقه اللحم وبالعافيه

اولا انقعي اللحم باللبن وبهاراته وحطيهم بقدر ضغط وصكي عليهم نص ساعه الا هي ذايبه مثل الزبدة << امي كذا تعلق بعدها شيلي اللحمه وحطيها بصينيه وغطيها بقصدير واعملي فتحات فيه وحطيها بالفرن شوي وشيلي القصدير خليها تتحمر زين

والرز خذي شوي من المرقه وزيدي ماء واطبخيه واعملي مثل الطريقه الاساسية

على فكره في ناس ماتحب تطبخ الرز بصلصه اللحم تطبخه ابيض عادي وترى الي جونا يحبون دجاج فبتلاقون بالصور دجاج
واخليكم مع الصور

الاولى اللحم بقدر الضغط

بعدها اللحم بالصينيه

بعدها اللحم بعد ماطلع

وبعدها الرز بالفحم والزبدة

وبعدين اللحم على الرز


وبعده دجاج بالصينيه << من دون قدر ضغط

وصورة الرز بالفحم

وصورة الرز وعليه الدجاج

موقع تحميل الصور خربان لا ظبط حملتها

__________________