كلامك مؤلم جدا تأثرت وايد ما اقول الا الله اعينك

انتي الحين عطيه فرصه

وفي هاذي الفتره عطي نفسك راحه اشوي ولما تهدي اجلس مع نفسك جلسه صريحه وحطي ورقه وقلم

واكتبي ايجابيات وسلبيات بين ان تبقي معه او الانفصال وما يجري بعد الانفصال

مع اني ما احب الانفصال لانه في سلبيات وايد هل سألتي نفسك

هل تسطيعين العيش بدونه ونسيانه

هل تسطعين العيش مع رجل آخر

وهل ياترى يكون مثل ما تتمنين ((( واعتقد هذا نادر في مجتمعنه )))

كيف سيعامل ابنائك


وان لم تتزوجي ما ستفعلين كيف تعيشين لوحدك كيف اتربي عيالك لا تنسي دور الاب وخاصه اذا صارو كبار

بغض النظر عن المصاريف والسكن ولله الحمد انتي مقتدره ماديا


وهذا غير نظرت مجتمعنه للمطلقه وانتي عارفه

اسأله كثيره

وان بقيتي لبيتك وزوجك وعيالك ربما ينصلح حاله وتعشين في سعاده وهذا املي


وانم لم يتغير هل تسطعين الصبر تقدرين اتواصلي حياتك معاه او لا

فكري وفكري لكن بهدوء ومن غير عصبيه

او استيشري احد المختصين مثل الشيخ جاسم لمطوع وارى انه صاحب رأي سديد

وان كنتي تتحرجي لانه رجل عندج الدكتوره فوزيه الدريع انسانه فاهمه وعاقله وتعطي حلول جيده