هلا أختي أم كريم
توكلي على الله وسافرين على تركيا
تركيا تجنن، توني قبل 3 أسابيع راجعة من أسطنبول، هالسنة قضيت إجازتي هناك ومستعدة بعد أروح مرة ثالثة بعد، أول مرة قضيت شهر العسل هناك شنو واااااااااااااااااو.
أولاً البلدة وايد عجيبة من ناحية السياحة، عندج (جزيرة الأميرات تروحين له باليخت تاخذون لفة بالحنطور حول الجزيرة، بورصة من أروع الأماكن ياخذون بالتلكفريك هو صاير مثل غابة على الجبل الجو يجنن هناك، وغير متحف التوب كوبي، وبلو موسك و آيا صوفيا وقصر العثمانيين (دولماباخجه).
ثانياً: التسوق كان غالي شوي هالسنة لأن سعر الدولار كان مرتفع، حتى الأكل بس صراحة يسوى لأن ستانست هناك وايد، وعلى فكرة هالسنة كل الدول كان غالية. في أسواق شعبية ومجمعات.
الأسواق الشعبية عندج محمود باشا، و مسر جارجه هاي سوق مسقف عووووووووود فيه وايد دواعيس تدشين مكان تطلعين على سوق ثاني.
أما بالنسبة للمجمعات، مجمعاتهم وايد حلوة، طبعاً تروحين لهم بالميترو الأنفاق أسهل وأسرع وأرخص، عندج مجمع ميترة سيتي، جواهر Gevaher و a k Markz هذي من أشهر واقرب المجمعات للأسطنبول.

طبعاً منطقة تكسيم من أحلى المناطق دايماً زحمة ناس رايحة وجاية ما تدري وين بيروحون بس الكل في حاله هاي الشارع كل مطاعم يعني بس إذا متمللين قعدوا هناك على رصيف وشوفوا الناس وأخذوا لكم شاورما.

وجوهم وايد حلو والبلدة نظيفة ومنظمة

أي استفسار ثاني آنه جاهزة