اهلين خيوتو

انا بصراحة بقولج الي صار معاي

بس مو يعني اقولج لا تروحين للطبيبة ادا تبين روحي

انا صار معاي مثل ماصار معاج بالضبط

بس انا مو بالماليزيا لا بالبحرين

كنت رايحة عند صديقتي نعمل بروجكتات الجامعة ودخلت حمام غرفتها وحدث ماحدث ونزل دم مو نقطة بس

انا رحت فيها بكاء وحالتي النفسية زفت وبعد الحادثة هذي ب 5 اشهر تقريبا كنت على زواج وخايفة وكنت ابرفض بعد

وخلاص انا في يقيني اني خلاص انفتحت وفعلا مثل ماقالوا الاخوة صار للغشاء خدش وتقطع شوي منه

وقلت لعمتي بس لانها قريبة لي واتصلت على ممرضة تعرفها وقالت لها مثل ماقالوا الاخوان انه يلتئم مو بمعناة يلتئم يرجع مثل ماكان لا لانه لا نقص على روحنا ونقول بيرجع زي مكان

بس عطتني تشبيه تبي تهديني مادري فعلا مثل ماكنت تقول او لا
فهو ادا كان طاح شوي منه وماعاد احد يلمس المنطقة او يحاول فك الغشاء فبيرجع يبني شوي على نفسه مثل الاذن ادا تمت فترة بدون خروس وجيتي تبين تحطين فيها خروس زي المسدودة تكون شوية... ومثل الجلد ينزاح عنها وانتي تدخلين الخروس

ويوم تزوجت جلست 3 اسابيع يلا قدر زوجي يجامعني عدل ومرة بس وبعدين نوقف شوي ونرجع بعد كم يوم
يعني مو بس لانه الغشاء طاح معناته انتي بياخد عنج فكرة غلط وانتي مو زينه
لانه في بنات ماينزل دم

والمنطقة تحت صعب يدخل فيها ..... الا بملينات ويتم كم اسبوع

اتوقع ادا كان فاهم وعاقل بيعرف انج شريفة يعني حتى لو فرضنا انه طاح فالمنطقة ضيقة ومن الاحتكاك ومحاولة تدخيله احتمال ينزل دم لانه قاعد يتوسع
انا مارحت طبيبة ولا شي الا بس الممرضة الي اتصلت عليها عمتي ولا زوجي عرف بهالسالفة ولا قلت له الا يمكن من شهرين
ونزل علي دم بعد الزواج شوي وماكنت اقدر يجامعني لانه يألم وكنت احس بحرقه وبعد شهرين تقريبا اعتدل حالنا وانتهت المشكلة

الله يسعدج يطمنج يالغالية ويريح بالج ويفرج همج وييسر لج يولد الحلال عاجل غير آجل
وتبشرينا بخبر زواجج
موفقين

__________________