المشاركة الأصلية كتبت بواسطة مشكلتي اصدق

ياخوفي والله من كلامك هذا
اعرف وحده سوت نفس اللي سويتيه
وهذي نوعيه معروفه في بعض الرجال
يتزوجون الاولى ويعملون منها سلم لحد ما يوصولون للدرجه اللي هم يبونها بعدين يحطونها فوق الرف ويشوفون لهم غيرها ...
شوفي عزيزتي...يمكن زوجك حاسس بالنقص منك انتي يازوجته
ايوه منك انتي
واعتقد حتى بدون قصد منك
حاولي انك تتذللين له
حاولي انك تعملين نفسك مو مستغنيه عنه ابدااااا ابدااااا
لا تذكرينه كيف كان وكيف صار
اسهلها يشوف وحده الحين ويتزوجها بعلمك والا بدونه وهي اللي تهنيه
لانه خلاص وصل للدرجه العاليه اللي يتمناها والزوجه الثانيه بيعجبها هذا الرجل الناجح الشاب وهي ما بتدري كيف كان والا انتي ايش عملتي له
ابدا لا تذكرينه انك ساعدتيه لان مستحيل ينسى
يتناسى ايوه بس ينسى لا مستحيل
ابدا لا تقولين انتي وش سويتي ولا ايش ضحيتي ولا ولا ولا....لأن كل اللي سويتيه برضاك انتي
الافضل تقولين والله مادام انا اقدر (((( اساهم )))) في العيله واحتياجاتها معاك يازوجي ياتاج راسي ليش لا!
ولما انتي تساعدين زوجك بشي علشان تلقين نتيجه ومردود منه صدقيني انتي كأنك ما سويتي شي ابدا...والله سمعتها من شيخ امس في قناة المجد يقول بعض الناس يساعدون فلان ويكبرونه ويأكلونه ويدرسونه في احسن الجامعات ...علشان يتذكرنا بالخير ولا ينسى هالمعروف...ولكن لما يكبر هالانسان يتنكر لكل شي! طيب ليش؟ لأن اصلا اللي ساعده ما ساعده لله...ماقال اساعده وما ابغى الا اجر من الله
ساعده وهو يقول علشان لما اكبر يصرف علي
علشان لما يكبر يقول فلان ساعدني وانا صغير
علشان يتذكرني
يقول الشيخ لا ......غلط.....لما انت تسوي شي لأحد سوه لله....لا تطلب منهم جزاء ولا شكورا والا لا تستغرب لما يتنكر لك هذا اللي انت عملت ممعاه المعروف...



لا تزعلين مني بس انتي سبب زوجك وبدون ما تقصدين ابدا ....مالك حل الا انك تتذللين له...حسسيه انك محتاجته...انك فنان وفاهم في كل شي...لو ادور الدنيا ما الاقي مثلك..وانسي هو كيف كان وكيف صار وانسي انتي ايش عملتي له....وانسي شي اسمه طلاق لانك بتطلعين بدون بيت وبدون مؤخر صداق وبدون عيال وما تدرين تتزوجين او لا وحتخسرين عيالك...انتبهي من الطلاق نهائيا مو حل
ورمضان جاي ادعي الله فيه وحتى لو زوجك انتبه للتغيير فيك وعلق عليك قولي انا فكرت وطلعت غلطانه وانا اتراجع عن كل اغلاطي وخير الخطائين التوابين...والله لا يحرمني منك ولا تحسسينه انك تبغينه يتغير ,هو من نفسه بيشوف لانه على كلامك ذكي هو بيشوفك وبيتغير بس خليكي حنونه على نفسك وعيالك وعلى بيتك وحسسي نفسك انتي اولا وعيالك وهو اخيرا ان مالكم الا بعض ...فيه حركه حلوه سوتها وحده اعرفها ...تقول انا اعرف ان زوجي مثلا وراي ولكن اسوي نفسي ما ادري واقوم ااقول لعيالي يا عيال قولوا امين يقولون امين تقوم هي تقول لله لا يحرمني منكم ولا من ابوكم...هو سمعها وراح...ومع الوقت الرجال تغير...يفكرها ما تدري عنه ومع ذلك قلبها معاه....
صدقيني انتي مشكلتك لا تعتبر شي جنب مشاكل غيرك

وينك عن الازواج اللي يتهمون زوجاتهم بالخيانه

وينك عن الازواج اللي يجرون على زوجاتهم وبناتهم

وينك عن الازواج البخيلين

وينك عن الازواج اللي يعذبون زوجاتهم وعيالهم وممكن توصل للتشويه النفسي والبدني

وينك عن الزوج اللي يتزوج وينسى

وين وين وين

ترى انتي بنعيم بس مو حاسه ابدا بس كويس انك عاقله وحسبتيها صح انك لو رحتي لأهلك ما بترتاحين
فكري ميه ومرتين والف

الله يقدم لك مافيه الخير معليش مصختها عليك وطولتها بس كان لازم اقول اللي اعرفه