السلام عليكم ورحمه الله ..

في البدايه احب اعتذر للاخت كيب عن سوء الفهم اللي حصل مني ..

ثانيا :
سبق وقلت واعيد واكرر واقول الله لا يحرمني منكم جميعا والله يجزاكم خير جميعا ..

راح انقل لكم وش اللي صار البارح بعد ان قمت بالاتصال المعتاد على زوجتي ..

بعد ان تحدثنا وسولفنا وضحكنا وعبرنا عن بعض عن مشاعرنا .. وفي نهايه المكالمه قلت لزوجتي ..

ياحبيبتي فيه موضوع شاغلني ومضايقني وحبيت استشيرك فيه .. قالت : تفضل يا ( ... ) قلت امس انا دقيت عليك على الموبايل وكان مسكر .. قالت والله البطاريه كانت فاضيه ولا حصلت الشاحن .. قلت لها امس بعد ما حصلت جوال مسكر دقيت على تلفون البيت ورد علي وحده بس مو من اخواتك .. وصراحه قالت لي كلام والله ضايقني حتى انتي امس لاحظتي هذا الشيء من نبره صوتي ولكني قلت لك اني كنت مرهق من العمل .. مع انه في الحقيقه ما كنت مرهق ولا شيء .. اللي كان مضايقني هذي البنت اللي ردت على التلفون ..

طبعا قلت لها اللي صار في التلفون والكلام اللي قالت لي البنت اللي ردت علي ..

وقلت لها ياحياتي انا والله مو مرتاح من هذي البنت .. البنت هذي راح تكون بمثاره شراره لتعكر صفو حياتنا ..

صراحه ما كنت اتوقع رده فعل زوجتي .. ويعلم الله ان حبها واحترامها زاد عندي ..

قالت لي يا( ... ) انا ابغى اي شيء يظايقك او عندك مشكله في حلها انك تقول لي ان شاء الله اقدر اساعدك يا(....) اما بالنسبه للبنت هذي امرها سهل ولا تشيل هم يا(...) .. انا ما ابغى انه يكون فيه شيء في بالك يكون مضايقك ولا تقول لي .. لابد نوقف مع بعض في كل شيء والا ما معني اننا زوجين اذا لم نقف مع بعض ..

مازالت زوجتي تتكلم وانا عاجز عن الكلام ..

اللي ابغاه منك انك تنسى الموضوع وان شاء الله ما يصير خاطرك الا طيب ..

المهم انتهت المكالمه وكانت الساعه 6:30 امس بعد المغرب ..

في حدود الساعه 9 مساء دق جوالي وطلع رقم زوجتي ولكن لم تكن زوجتي اللي اتصلت طلع صوت وحده اول مره اسمع صوتها في البدايه عرفت بنفسها .. وقالت انها ام البنت اللي كلمتني .. وانها تعتذر عن اللي بدر من بنتها ..

بعدها اتصلت في زوجتي وسالتها وش سويتي .. قالت لبست عبائتي وطلعت عند ام البنت وقلت لها ابغى يكون الموضوع بس بيني وبينك علشان تستمر علاقتنا الجيده ببعض .. الموضوع كذا وكذا .. وقالت لزوجتي انها تبغى رقمي علشان تعتذر مني ولكن زوجتي رفضت .. وبعد الحاح من ام البنت قامت زوجتي باتاحه الفرصه لها لمحادثتي من جوالها وفي حضور زوجتي ولم تعطي رقمي لها ..

هذا اللي صار البارح معي ..

هذا بعد فضل الله ثم فضل آراء الاخوان الله يجزاهم خير ..