السلام عليكم
اختي الفاضله الكريمه \\ حفظك المولى ورعاك واقر عينك بنيل مرادك
اختي...
1_ صلاة الاستخاره اهم علاماتها::
أ\ الراحه وانشراح الصدر.
ب\ سهولة سير الموضوع وسهولة تيسير العوائق.
2_ بالنسبه للوالد ورفضه
اجلسي معاه جلسه هادئه واختاري الوقت المناسب واجلسي معاه
وقولي له ابوي ربي يخليك لنا ولا يحرمنا منك ومن خوفك علينا
انت تاج راسي وانت نور العين وانت تهتم في مصالحنا وانت تخاف علينا ووو
وبصراحه ياابوي ودي اتناقش معاك وودي افهم منك موضوع مهم جدا
بصراحه بالنسبه للشاب المتقدم لي
انا مااعرف الرجال او شي
بس ياليت ياابوي تفهمني وتنورني
ايش اللي تشوفه انه غير مناسب كزوج لأبنتك
او ماهي في نظرك صفات الرجل الحقيقي اللي تعطيه الأمانه ؟
ومن هذا الحكي
اهم شي شوفي وجهة نظر الوالد
قد يكون فعلا على حق
استمعي له بكل هدوء ورقه وبعد انتهاء كلامه
قولي له ابوي كلامك اقنعني كثير في هذا النقاط
ولكن هذي النقاط لي وجة نظر مختلفه فيها اقدر اعبر لك عن وجهة نظري ونتناقش فيها
وتناقشي واشرحي
اذا والله اقنعكي
قولي له طيب
خلينا نصلي ونستخير هاليومين
والله يكتب الخيره الطيبه
وصلي واستخيري لمدة ثلاث ايام
وبإذن الواحد الأحد راح تتيسر امورك
اما الوالد يوافق وتمشي باقي الخطوات
واما تنفري منه وتظهر لك امور تحمدي ربك انك لم ترتبطي به
فتوكلي على الله
وفوضي امرك الي الله
واكثري من الدعاء والاستغفار
والله ينور بصيرتك ويسخرلك الزوج الصالح اللي يخاف الله فيك يسعدك ويصونك
__________________
لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني
إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا