حناين دبي..
أكيد الزوجة الأولى بتضايق..
بتنقهر..
بتحس بضيق ما بعدة ضيق..
لكن....... هذا كلة ما راح يرجع الحال إلى ما كان عليه أول.. خلاص قضي القضاء..
إرضي بالأمر الواقع..
ريحيه ريحي نفسك..
لا تتغيرين عليه .. عشان إحبك أكثر من أول.. ويسعدك..
إختي .. لا تزعلين الحياة يومين إنعيشها والكل مسافر أخرتها..
عيشي سعيدة
وصيري أقوى من الموقف..
تدرين عندي خاله.. تزوج عليها زوجها.. وليلتها بخرت إثيابة ولبسته ولا طاحت منها دمعة.. ويوم ثاني من الصبح راحت تبارك لهم.. تدرين ضرتها قالت لزوجها خلاص أبغي أعيش وياها والحين أكثر من الخوات.. ما أقولج ما تأثرت تأثرت حيل بعد.. وطول الليل تبجي.. لكن قدامة ولا تبين.. والحين ما على لسانه إلا إسم خالتي شلون ظلمتج وشلون وشلون..
..