مشكورين خواتي عى الرد ام عن نفسي فأنا افرز السمبوسة الجبن والسبرينغ رول وبعض الشغلات وراح انزل لكم طريق السبرينغ رول بالدجاج

سبرنق رول بالدجاج والخضار

المقادير :

2 عجينة السبرنق رول الجاهزة (مثل السنبلة).
1 صحن صدور دجاج من غير جلد وعظم.
2 بصلة مقطعة صغير.
2 جزر مبشور.
2 بطاطس متوسطة مقطعة الى مكعبات صغيرة ومقلية.
2 كوسة متوسطة مقطعة الى مكعبات صغيرة ومقلية.
زيت لتحمير البصل _ ماجي _ ملح _ بهارات.


الطريقة :

نسلق صدور الدجاج بماء وملح ؛؛ وبنفس الوقت نحمس البصلة بالزيت لما يشقر
ونضيف الجزر والبطاطس والكوسة ؛؛ وبعد نضج الدجاج نقطعة بالشوكة بيصير مثل
الخيوط ونضيفه للخضار ؛؛ بعدين نضيف البهارات والملح ؛؛ اما الماجي نذوبة ب2/1 كاس
موية بعدين نضيفه للباقي ونتركه على نار هادية لما تنشف الموية.
بعد ماتبرد نحشيها برقائق السبرنق رول ونخليها على شكل أصابع وبعدين نخليها في الفريزر لما تجمد وبعدها توضع كل وجبة في كيس وتخزن في الفريز وتطلعينها وقت الحاجة وتقلى في زيت حار

ولي عودة ان شاء الله