يا أختي أنا مثلك أغار موت على زوجي بس ما أشك انه يخوني ..

غيرتي دايما من الناس اللي ماخذين كل وقته و يبونه يسوي لهم كل شي ..

خواته .. و أصحابه .. أنا في حياتي ما كرهت حد .. بس بعد ما حبيت زوجي هالحب الجنوني صرت أعرف أقول في خاطري مو عن كره بس عن غيره .. " من جد صاحبه قليل ادب كيف يشغل رجال متزوج فترة طويلة " " من جد اخته ما تستحي متزوجة و بعدها تعتمد على اخوها .. خلاص المراة المتزوجة اذا زوجها ما بيطلعها لا تطلع "


مع اني احب لهم الخير و اذا جلست معهم انسى هالشعور بس ما أقدر يرجع لي غصب عني..

انصحك حبيبتي ما تقولين لزوجك عن احساسك و الا بتصير مشاكل ..

انا لما جربت اقول لزوجي ترا غلط الرجال يترك زوجته فترة طويلة .. لازم يجلس معها ... بس ما كنت امنعه ..

الحين يتهمني قدام اهله او اهلي ان انا ما اسمح له يسوي او يروح على كيفه .. و ان انا مرأة اتحكم ..

صدقيني بعض الرجال ما يتحملون راي المرأة .. يعتبرونها لما تعبر عن رايها كأنها تفرضه .. حتى لو كان بأسلوب ناعم و رقيق ..

__________________


أم علي ..

أم صادق