اولا انا ما وفقت عليه وهو بوضع زي كذا الا لما شفت التزامه و طيب اخلاقه زززوالله اني تغاضيت عن اشياء كثيره و اهتميت فقط بالجانب الديني لانه الي يتقي الله و رسوله راح اعيش معاه عيشه مرضيه هذا كان اساس موافقتي انا تكلمت مع الوالده و اشوف الوالده رأيها انها ما تشعر انها تقدر تطمن علي معاه بعد تصرفه اليو سادس يوم وهو لسى ما اتصل رغم انه من يوم الملكه الين قبل المشكله ما مر يوم من غير ما يتصل او يبعت مسج على كل حال الوالده شكلها كارهته خلاص و ما تشعر بإطمئنان ناحيته انا صليت استخاره ولازلت اصليها و ارفع يديني لارحم الراحمين و ادعوه هو الي يعلم بحالي و ألمي بالنسبه للوالد هو ما يحب المشاكل و قال يا بنتي خلينا نصبر و نشوف ميته ايش بالضبط و مسيره راح يتصل و بعدين نساله ليش عملت كذا وووو بس خوفني الوالد اليوم اتناقشت معاه و قعد يقول انت ما تعرفي الناس كيف صارت ممكن لو ما رضى يطلق يروح للمحكمه و يطلع ورقه انك ناشز و ما ادري ايش .. فا قلتله ليش يعني ما صارت الدخله ولا شيء قال يا بنتي ممكن الشيطان يوسوسله عشان ينتقم منك انا ما اريد شيء منه خلالالالاص اشعر بضيق في صدري كل ما جت سيرته و نفسي اغمض عيني و افتحها و الاقي كل ذا حلللللم ادعولي الله يرضالي عليكم ...انا بجد بحاجه للنصح و الدعاء و اتمنى لو في اي شخص يعرف بالاشياء دي يقول لي ايش ممكن يعمل لو انا قلت ما اريده و نفسي انفصل عنه مع العلم انه لسى ما صارت دخلة بس بعد الملكه جلس في البلد حوالي اسبوع و كنت اطلع معاه لاماكن عامه نتعشى و نتمشى بس لا غير ...و لما يجي البيت اقعد معاه في غرفة الضيوف لحالنا بس الاهل يطلوا علينا من الحين للحين ..الي يقدر يقولي و يطمني لو نفسي انفصل عنه ايش الاشياء الي ممكن اعملها و هل في اي ضرر علي ؟ و شكرا والله يجزيكم خير