اقتباس:
|
المشاركة الأصلية كتبت بواسطة أم وداد
يا بعد عمري.. قطعتي قلبي والله ..
تبين اقولك كلمة بصراحة ؟؟ خففي اتصالاتك .. هو يوم مايتصل يقول ماعليه هي بتتصل... لا تحسسينه ان ماعندك شغله غيره هو ... ادري صعبه .. بس حاولي
انتي الحمدلله مابينك وبين زوجك مشاكل.. والله يتمم عليكم ويرجعه لك ...
انا بيني وبين زوجي مشاكل كبيرة معقدة .. وبطبعه هو عنيد ... وللعلم انا في بيت اهلي .. في البدايه كنت اتصل واتصل .. بصورة مستمرة وهو .. يرد علي ببرود ... واحس به يعتمد ومطمن انا الي بتصل..
بس للصبر آخر.. والي بعيد عن العين بعيد عن القلب!!!
صرت ماتصل لاني بلحظة .. صحيت .. وحسيت اني اتلصق فيه ... وحقرت ولا اتصلت .. والحين ولله الحمد هو يتصل.. يتصل بي دايما .. وصار خايف من ان يخسرني واني ماحبه ..
انا ماقولك اقطعي الاتصال .. مرة وحدة .. بس خففيها شوي.. اذا اتصلتي مثلا الصبح ومارد عليك .. لا تتصلين خلاص..
يعني اتصلي باليوم مثلا مرة .. وبعدين كل يوم وترك .. بعدين كل يومين خليه يحس ويلاحظ ان اتصالاتك قامت اتقل.. بيقعد يحاتي..
بس لا يتولد الجفا.. اذا حسيتي ان هالتصرف مافاد لا تكملين فيه .. طرشيله مسجات اتعور القلب... خليه يحس بك ..
والله يعينك يالغالية
وان شاء الله نسمع اخبار طيبه
|
هلا بام وداد
الله يجمع بينج وبين زوجج عاجلا يا رب
الغاليه انا من خبرتي في المره الاولى اللي راح فيها عني
كنت اتصل يوميا واحيانا يرد واحيانا ما يرد ويكون مشغول
وخففت لين ما صار الوضع مكالمه كل اسبوع او عشر ايام و الله لا يراورج مأساتي في هذيك الايام
وجربت ابعث له مسج يعور القلب
بصراحه يتأثر وايد ويتصل ويعتذر
بس ترجع حليمه لعادتها القديمه
ومشكلتي هذا القلب اللي ما يهون عليه ينام بدون ما يتطمن