أختي الحبيبة ،، مسؤولية اللي حصل مسؤولية مشتركة ما بينكم انتم الثلاثة (إنت ، و زوجك و زميلتك في العمل) ،، فلا يصح أن تلقي بكامل المسؤولية على طرف واحد فقط

و اسمحيلي دي نهاية منطقية جداً و طبيعية جداً للقصة

أولاً :: طبعاً زميلتك مسؤولة و هي مسؤولة عن أخلاقها

ثانياً :: زوجك مسؤول عن مسايرته معاها ،، و المفروض كان الموضوع خد طابع جدي جداً و حتى حوار ما بينك و ما بينه ما كان ينفتح إلا لما تنزل

ثالثاً :: إنت ،، و خليتك بالأخير علشان عليك مسؤولية حل الموضوع ،، إذا كنت وافقت على فعل الخير فكان لازم تاخدي كل احتياطاتك ،، كان على قد الخير اللي عملتيه و إنك قربتيها لك و حاولت تساعديها ، كان لازم تفهم إن منطقة زوجك منطقة محظورة و ممنوع الاقتراب منها

أختي ،، مش هقدر أقولك امتنعي عن توصيلها لأنك فعلاً بتعملي خير ،، لكن كمان لازم أقولك إن زوجك مش ليه ذنب إنك تقلبي الموضوع عليه ... لازم تتكلمي معاه و تفهميه إن طريقة البنت معاه بتدايقك و إنه بما إنه بيحبك و بيخاف على مشاعرك فإذا سمحت إذا حاولت تتكلم معاك في أي موضوع لا ترد عليها و لا تحاول فتح أي باب للنقاش
و كمان لازم توصلي له إن ثقتك بيه مش ممكن تتهز و إنه محل ثقة كامله ، و لكنك ما تثقي في أي حد حواليك

أختي dandOOn أثارت نقطة مهمه جداً لازم تاخدي بالك منها

أما عنك فحاولي بقدر الإمكان منع أي كلام طول الطريق ما بينكم ،، حتى ما بينك و ما بينها .. شغلي قرآن في السيارة أو إذاعة الأخبار أو اطلبي منهم إنهم يذكروا الله طول الطريق

و بصراحة و من غير تصنع ،، أنا لو كنت مكانك كنت هدور على ألف طريقة و طريقة علشان أنسحب من وعدي لها بإني أوصلها .. لأن بيتي و زوجي هم أهم شئ في الدنيا و مش في حد يستاهل إنك تضعي فيه الثقة اليومين دول إلا من رحم ربي