اقتباس:
|
المشاركة الأصلية كتبت بواسطة @amola@
حياك الله اخوي زياد
وعليكم السلاام ورحمة الله وبركاته
ايه نذكر موضوعك اللي قعدت ارد عليك واقتبس لك من الكتيبات اللي احسها مناسبة
وبالأخير ميح مافيه رد
_امزح  _
المهم
اهمية الفحص ماقبل الزواج هو لإكتشاف الأمراض الوراثية
ومن اهمها
الثلاسيميا
والأنيميا المنجلية
والهيمو فيليا
هذي اغلب الأمراض المنتشرة بالمملكة
ومؤخرا اضافوا فحص الإيدز
لأنه كثير ازواج انظلمو بسبب هالأمراض الله المستعان
فوش ذنبهم وبعييييييد عنكم ان شاءالله
ويشوفون مدى التطابق
اما زواج الأقارب يزيد من حدوث نسبة الأمراض الوراثية
ويكون الضحية هم الأبناء!! فيزداد عدد المصابين ويضعف الجيل بسبب الحصول على جيل من قبيلة وحده او تماسك القبيلة!!
آسفة مابي اخوفك لكن هذا الغالب
عشان كذا خلوه اجباري بالمملكة
تعال شوف الأطفال اغلبهم امراض دم وسكر وووإلخ!!حرام وش ذنبهم!
لكن انت ماعليك توكل على الله واستخير
فإذا كان
سليم +سليم= اطفال سليمين بإذن الله
سليم +ناقل = 50% سليمين و 50% ناقلين بإذن الله
سليم + مصاب = 50% ناقلين و 25%مصابين و 25%سليمين
مصاب +ناقل = 50% مصاب و 50% ناقلينوالله اعلم!!
وانت سو التحليل ولاتقعد توسوس وتهوجس
ولن يصيبنا إلا ماكتب الله لنا
وبالنسبه للتجربه
انا بنت عمتي زوجها يطلع ولد خالها وبنفس الوقت ولد عمتها
والحمد لله سليمين
لكن خالي اخذ بنت عمه بدون فحص ماقبل الزواج
وطلعوا بناته ناقلات للهيموفيليا
وعياله مصابييييين
وتطلقوا والله المستعااااااان
وفقك الله وهب لك الذرية الصالحة |
الله يوفقك وييسر امرك
اذا عايلتكم غير معروف ان عندهم امراض وراثية مثل الثلاسيميا والمنجيلة(السكل سل) وماكنت من اهل الشرقية او الجنوب(خصوصا جيزان)فلا تخاف باذن الله كلكم سليمين
وللاسف الفحص فقط لهالمرضين وياليت يفحصون الامراض التناسلية كالايدز والكبد الوبائي
والاخت اموله ماقصرت لكن احب أوضح بالي بالاحمر ان النسبة او احتمال اصابة المرض تقاس لكل طفل على حدى وليس لكل ذريتك ويعتمد ايضا هل المرض صفه سائده او متنحية
لا تنساني من دعواتك
اختك د-جوري