هههههههههه
الله يعينج
بصراحة انا الحين عمري 23 سنة وللحين امص ابهام او بنصر يدي
كنت في بداية زواجي اخفي هالشي بس بعدين اكتشف هالشي زوجي
واهلي عجزوا ضرب - ادوية مافاد فيني شي
كانوا خايفين اسناني تجي على قدام زي الارانب
وكانوا خايفين انه تستمر الحالة الى ان اكل اظافر يدي مثل بنت عمي
لاني كنت انا وبنت عمي بنفس السن ثنتينا اصابعنا بيدنا وحده تمص (انا) ووحدت تاكل اظافرها
فحمدوا الله اني بس امص صبعي وتركوني وشاني مع صبعي
انا سمعت مرة من شيخ يحاضر في
التلفزيون انه مص الطفل لاصبعه يساعده
على التركيز ويزيد عنده الذكاء
مادري هالشي صح او لا
وانا اجوفها مجرد عادة
وللحين ماقادرة اقلع عنها
حتى زوجي حاول الحين وانا حاولت بنفسي ماقدر ارجع لها بدون شعور بس احاول اخفي هالشي اذا كنت بين الناس
واتوقع انها ردة فعل توتر او قلق
ولاني فعلا كنت فاقدة حنان امي الله يخليها لنا كانت تعاملنا بقسوة شوي بس مهتمة في لبسنا واكلنا وجذيه