عليكم السلام ورحمة الله وبركاته

نصيحتي إبعدي فكرة الطــلاق عنك ولاتفكري فيها لأنها ماراح تحل مشكلتك

بالعكس راح تزيدها أكثر وتكبر في عقلك وممكن تندمين بعدين وماينفع الندم أبدااا

إنتِ أكثر وحدة تعرفين عن شخصية زوجك ؟ وعن اللي يحبه ويتمناه

شوفي وش اللي ناقصك وكمليه ، عامليه معاملة حلوة بالكلمة الطيبة والإبتسامة

مثل ماقلتي هو عاملك بالطيب بعض الوقت ، حاولي تكسبين محبته أكثر

إذا جلستي معه إسأليه وش اللي ناقصه ، خليه يحس إنك مهتمة فيه ويهمك رضاه وراحته

ووقتها قوليله إنه سفراته الكثيرة متعبتك ومضايقتك طبعاً لما تتكلمين معه لاتأمرينه لأنه الرجل

يعاند تلقائياً إذا شافك تكلمينه وكأنك تأمرينه ! قوليله مثلاً أهلي يسألون ليش زوجك يطوّل ويخليك

وإنك تعبتِ من أسألتهم وإنت اللي بتقدر إنك تريحني وتعيشيني بإستقرار ومن هالكلام اللي يحسسه

إنك محتاجه له والحياة وهو بعيد عنك مش حلوة وهذي هي المسايسة بالكلام

وإن شاءالله يجي بالحوار والكلام اللين والطيب

وأنصحك ياأختي لاتنسين الدعـــــاء واللهِ مافيه أفضل منه ، تضرعي لربك وقومي ليلك

وأفرشي سجادتك وصلي وأدعي كثييير في سجودك لأنه الإنسان يكون أقرب لله في سجوده

وتأكدي ماخاب من لجأ لربه ، قولي يــارب تسخر لي زوجي وتكرّه في قلبه كل معصية

إذا قدرتي تتصدقين ولو بالقليييييل بنية تفريج هذا الهم اللي على قلبك ، فالصدقة أمرها عظيم

وماأوصيك بالإستغفار كل مامر في بالك هاجس الطلاق البغيض لأنه الشيطان يتركز في المشاكل

وهدفه الأول والأخير إنه يخرب بيت قام بالحلال ، فلا تلتفتي له ولا تستسلمي أبداً

الصبـر الصبـــر الصبــــــر أنصحك فيه ومابعد الصبر إلا الفرج بإذن الله

الله يوفقك وييسر أمرك ويسخر لك زوجك يــــارب .