السلام عليكم ورحمه الله وبركاته ...

صباح الخير ..

من اول اسبوع من عقد القران ... واول طلعه لي مع خطيبي ... طلعنا من البيت ومرينا على بيت صديقه

وحنا طالعين ... شفناه على باب بيتهم واقف ... واول ما شافني معاه ... قام يصارخ ويصفر ويصفق ..

انا صراحه تضايقت كثير لكن ماتكلمت ... ومن يومها كل مايشوفنا بمكان ... لازم يسوي هالحركات البايخه ..

كلمه خطيبي وقال له لا تفضحني بتصرفاتك قدام الناس عيب ... وهالادمي مو راضي يفهم ...وزودها بعد

اذا دقيت على خطيبي وهو معاه .. يقول قفل الجوال دامك بتروح لها مستعجل على ايش!!

وحتى اذا طلعنا لازم يدق وهاتك ياتحقيق وين بتروح متى بترجع وليش ... ولازم هالتحقيق كل مره ...

انا صراحه طفح الكيل منه ... اول شي كلمت خطيبي بهدوء ... وفهمته ...وكلمه لكن مافيه فايده...

وزاد بتصرفاته بعد ... وصرت اكلم خطيبي وهو يعصب على طول ... ويتضايق لمن اجيب سيرته .. مع العلم

اني ما اجيب سيرته الا اذا سوى هالحركات .. لكن كل مره ننتهي بهواش وزعل ...

يقول انا كلمته ومافيه فايده ... وهو مايقدر يتركه لانه صديقه من هم صغار .. بس هالتصرفات انا ما تعجبني

ولا خطيبي تعجبه .. لكنه بنفس الوقت مايبي يبتعد عن صاحبه ... بهالحاله انا وش اسوي ... والله صرت

اكرهـ اطلع والسبب هالصديق ... وبرضو انا مابيهم يتفرقون عن بعض ... صرت اكره سيرته واسمه ...

واعصب لمن يكون خطيبي معاه وازعل منه بس لانه معاه ...

احيانا احس انني مزودتها بغيرتي واقول هو صاحبه قبل مايخطبني ...

واحيانا اقول برضو هو لازم يحس فيني ويقدرني لانه هالتصرفات ماتعجبني ...والمشكله اني عصبيه ...

شورو علي وش اسوي ...

هموووم

__________________
"رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ "