اقتباس:
|
المشاركة الأصلية كتبت بواسطة صاحب الظل لطويل
اصبت اخي العقرب
انا لا اعترض على مفهوم الثقافة الجنسية
على ان تكون من المنزل فقط
ومع مراعاة عامل السن
وعامل المعلومات المعطاة يجب ان تكون من قبل الاهل الواعين لذلك
وضرورة احاطتها باطار شرعي يحمي الاهل ويحمي الابناء على حد سواء
|
كلام سليم 100 % و هذا ما اتبعه انا شخصيا مع ابنى البالغ من العمر سبع سنوات فقط و لكنه كثيرا ما يفاجئنى بأسئله تجعلنى هكذا 
ثم سرعات ما اتمالك نفسى و عقلى لان السؤال بيكون على فجأة و خصوصا لما بيكون جالس امام التليفزيون فيسمع شىء يثير تساؤله مثال انا جيت منين و ازاى ؟ و اسئله عن اعضائه التناسليه ما هذا الشىء و علشان ايه ؟ و كان اخر سؤال صدمنى به من يومين كان .. يعنى ايه جواز عرفى ؟؟؟ تخيلوا .. لله الامر من قبل و من بعد
المهم أبدأ ابين له حكمة الله اولا فى الشىء الذى يسأل عنه و اوضح له ان التعامل مع هذا الشىء قد وضع ضمن اطار شرعى لا يجوز ان يتم الا به و الا كان مصير من يفعله عقاب من الله و عذاب جهنم يوم القيامه ( و لله الحمد انا بأنتهز كل مناسبه و بعرفه ده حلال أو ده حرام او ده عيب وهكذا ... ) طبعا كل الكلام ده بيتم بأسلوب مبسط و سهل و مختصر قدر الامكان و كمان بشجعه انه لو فيه حاجه عايز يعرفها لازم يسألنى انا او والده و بس .. و طبعا نتيجة لظروف عمل والده فالعبء كله بيقع على وحدى و انا باجاوبه و افهمه اللى مش عارفه
و فى رأئى انه لازم نرد على اسئلة اطفالنا و الا تركنا داخلهم حيرة و بدل ما يبقى سوال هتبقى عشرات الاسئله و الحيره لما يكبرا .. كمان لما اعوده ان الكلام معايا فى مثل هذه المواضيع سهل و مش ممنوع من دلوقتى ابقى بأكسر اى حواجز ممكن تكون بيننا فى سن المراهقه ( اللى ربنا يستر عليه منه ) يعنى بدل ما يدور على اجابة اسئلته بره ..يلجأ لى انا و بس و هو مطمئن
و زى ما انتو شايفين الوقت و العصر و كل ما هو حولنا و ليس لنا قدره على منعه من حياتنا بيفرض على اطفالنا السؤال فى سن مبكره جدا و لازم يفرض علينا الاجابه ايضا
يعنى فى هذا العصر مستحيل ان تؤجل الكلام .. مثل ما قال احد الاخوه الكرام لقبل الزواج .. لانه فارض نفسه فارض نفسه شئنا ام ابينا
لكن الشىء الاكيد هو ضرورة وضع كل الاجابات فى اطار الدين و الشرع و العيب و التقاليد و الاعراف
بهذه الطريقه نكون قد ارحناهم و خصوصا ان الاطفال لغاية سن معينه بيكون سؤالهم لمجرد التساؤل فقط يعنى بعد بما بيلاقى الاجابه بينسى الموضوع و يعدى ... و كمان قربنا المسافات بيننا و بينهم للمستقبل
كما ذكرت خصوصا سن المراهقه ... عاملى شويه قلق 
و اخيرا ندعو الله ان يهدينا فى تربية ابنائنا لما فيه صلاح امرهم دنيا و دين .. امييييييييييييييييييييييين و السلام عليكم و رحمة الله و بركاته