والله يالغلا انا هذا الي ابيه .. بس اهلي سادين الابواب في وجهي..

تخيلي.. كل من درى اني مابي المحاكم .. والتلفون مايوقف يبون يقنعوني .. وانا مارد ..

والله مابي اتطلق.. خصوصا اني ماجربت حلاوة الزواج .. يعني ان انكون انا وهو في بيت بروحنا.. والحين بيتوفر السكن .. وهالكلام اكيد ..

وغير هذا وذاك .. انا عندي بنت ربي يحفظها .. لازم افكر فيها .. وفي مستقبلها ..

انا عشت من غير اب .. لان ابوي يشتغل برا البلد .. وغير كذا بارد تجاهنا.. والحين للاسف تطلقو بسبب ام زوجــــــــي..

امي ربتنا احسن تربيه لكن والله .. اني كنت دايما بحاجة لاب.. ماقلت لامي هالكلام ولا عمري بقوله لانها بتتضايق.. ربتنا بروحها من غير ولا حد بهالديرة الغريبة بالنسبة لها ..

الابواب كلها منسدة في وجهي.. واذا اتصلت في زوجي الحين وقلتله تعال يالله انعيش انا وانت بروحنا.. بيجيني ركض.. لكن اهلي مو راضين عني.. وامي حلفت والله لو رجعتيله مالنا دخل فيك انتي وبنتك ..!!

__________________
ربنا هب لنا من أزواجنا و ذرياتنا قرة أعين واجعلنا للمتقين إماما

أرجوكم ادعو لي ..بإن ربي يجمع بيني وبين زوجي على خير

إلى زوجي ..إلى مقلتي.. إلى فؤادي...إلى بسمتي... إلى دمعتي... إلى حياتي وروحي... إلى عشيقي، حبيبي، فارسي، أميري، إلى القلب والكيان... والحب والهيام...

الـعزيـــــــــــــــز بو وداد..

أحبــــــــــــك ...