المشاركة الأصلية كتبت بواسطة حاملة الهم

ام وداد يا الغالية .. حاولي تقنعين امك انها ماتروح للمحامي..

حاولت فيها والله بس مافي فايدة.. لكن الي قررته اني اكلم المحامي على انفراد وبيعرف مني كل شي.. لان زوجي مظلوم .. هو مو كريه لهالدرجة والله .. انتي تقولين انه امه مافيها خير وحكمتها فرق تسد .. حاولي تجيبنها بطريقة او باخرى انه يعني امك كانها قاعده تسوي اللي تسويه ام زوحك .. تبي تفرقكم وتطلقكم ..
ايه والله .. صعب الي امي تبيه .. حيل صعب... واصلا ام زوجي تبيني اتطلق امي ماتدري انها بتعطيها الي تبيه

حبيبتي .. هذا زوجك حلالك حقك انك تحبيه وتعشقيه .. يعني محد يقدر يلومك لو حبيته ..

اختي..فيه بنات يسوون المستحيل عشان حب بدون زواج اشلون انتي اللي زوجك حلالك وبينكم بنوته .. ربي يحفظها ..

ايه والله .. ودي اسوي المستحيل عشان ماهدم بيتي.. واحطم حياتي وحياة بنتي ..
روحي بارك الله فيك .. وكلمي امك .. قوولي لها انتي الحين سعيدة لانك انفصلتي عن ابوي .. ذكريها بمرارة هالشي .. كلمت امي مرارا .. بس لا حياة لمن تنادي.. ففكرت اكلم المحامي بنفسه .. واكلم شيخ دين .. واشوف لي طريقه انروح للشيخ انا وزوجي عشان يقرا علينا..
والبنت مهما كان محتاجه ابو .. يحبها ويعطف عليها ولو كان قاسي والله البنت تحب الابو لو اش كان ..
ايه والله .. ويقولون البنت دايما قريبه لابوها

اقنعي امك واصري عليها .. ولو لا قدر الله صار شي ف المستقبل بينك و بين زوجك .. اصبري واصبري واصبري ... ولاتيأسي .. لازم تعطيه فرصة دام انك تحبيه ..
اكيد بعطيه فرصة.. وان شاء الله امي اتخليني ارجع له وهي سعيدة عشاني .. او مو بالضرورة سعيدة لكن راضية عني على الاقل..

ولاتخافين الاهل مايستغنون عن بنتهم لو اش صار .. بس ان شاء الله الامور بتتصلح .. ومثل ماوعدك زوجك راح تكونون في بيت ابروحكم .. وانت دايما وصيه بامه خير .. عشان تكبرين في عينه ويعاملك بالمثل ..

ايه هذا الي بسويه .. بتمدح في امه .. عشان يستانس ويعطيني من حبه وحنانه اكثر واكثر.. بس ياللــــــــــــــــــه متى!!! الحين احس زوجي صار مثل الحلم البعيــــــــــــــــد
ودي اقول لك كلام اكثر مع اني اردي اني طولت عليك .. لكن فطومه تصيح ومضطره اروح لها ..
بعد قلبي فطومة ... فديتج انتي وياها .. الله يخليها لج ولابوها .. واتشوفينها مثل ماتبين ..

وطمنينا عليك .. والله يوفقك يارب ..