الله يعينك يا خوي

بس صدقني بتلقى الجمال والاخلاق والدين والثقافة والنسب ممكن يجتمعون بوحدة
بس اكيد اكيد فيها عيوب ثانية بس اشيا تغطي على اشيا ,, يعني ممكن تكون متكبرة وايد او حساسة واااااااايد على اقل كلمة منك بتزعل او عصبية او مسرفة وايد او ....... الله اعلم


بعدين لا تنسى احنا البنات نشوف اعداد كبيرة من البنات من المدرسة والجامعة وفي الاعراس وغيرها
ونشوفهم كثييييييييير ,, وبعدين ترا الناس لو شافت ملكة جمال بالبداية تنبهر بجمالها ومن كثرة ما تشوفها عقب تبدا يشوفها عادية وتتعود على شكلها ما تشوفها نفس ما كانت تشوفها قبل,,والبنت تدقق على اشيا وايد وصعب تقول عن اي وحدة حلوة
اما الشاب تكون نظرته غير ومقاييسه للجمال غير والناس اذواق

واتذكر مرة اخوي كان يشوف وحدة يقول عنها ملكة جمال واحنا نشوفها عاااااااااادية واقل من عادية ,, لاننا شايفين وايد اشكال وانواع من البنات هو ما يشوف كثرنا ,, وصدق نظرة الشباب تختلف عن البنات ,, المفروض انت تشوفها ونا مستغربة اسمها نظرة شرعية يعني الشرع حلل هالشي,,, الله يهديهم اهلك


ومعك حق الحلوات سوقهم ماشي ييونهم اكبر عدد من الخطاب
وعلى فكرة يعني مو بس الشباب يدورون الحلوات ,, حتى البنات ,, اولهم انا
بس اول شي اسأل عنه الدين والاخلاق والشخصية ,, واخر شي اسأل عن الشكل اذا لقيت ان كل اللي قبل توفرو ,, واذا ما عجبني شكله بنسى كل اللي قبل

اللي بتزوجه اول ما بفتح عيني بشوف ويهه وبفطر معاه وبتغدا معاه وبتعشى معاه وبطلع معاه وبنام معاه كيييييييف ما تبيني افكر بالشكل ,, لازم وااحد اتقبل شكله ويعجبني عشان ارتاح معاه واحبه

والحمد لله معجبة بخطيبي ,, وهو بعد


ترا بعض الشباب اول شي يركزون وايد على الجمال ,, بس بعد الزواج يبدون يتعودون عليه ويركزون اكثر ع الشخصية والمعاملة ,, عشان جي حتى الحلوة لازم تغير اللوك من فترة لي فترة ,,

والله يرزقك ببنت الحلال اللي تتمناها ,,