السلام عليكم ...
اختي العزيزه ../ أسأل الله ان يسخرهم لك ويحنن قلبوهم عليك ..
القطاعه مو حل ..والجلوس في غرفه منعزله برضو مو حل ..
بعض الأخوات هينا اعطو بعض الحلول المقنعه و المفروض عملها في مواقف مثل هذي ..
أسمحيلي لي بس اضيف شغلتين ...
من وجهة رأيي يا اخت فوفو أن المرأه لازم تحسس الجميع (ومو بس اهل رجلها ) ان لها كيان خاص فيها ..
الشخص لازم يعطي الشخص المقابل له انطباع انه هو له فكر خاص ورأي فريد ..
مو مع الخيل يا شقرا/ ان ضحكو ضحك وان قالوا شي قال مثلهم (وهو مو داري وين ربي حاطه) !
مثل ما ذكرت بعض الأخوات ...!!!
افرضي شخصيتك باحترام ../ أتذكر الوالده كانت دايم تقول : ترا الواحد لازم يبين نفسه ويخشر عمره بين ربعه ( لاني كنت اعاني من مسألة عدم القدره على الدخول بسرعه في مجتمعنا ...خاصه واني كنت اعاني مثلك ..الأحاديث والسوالف اللي كانت تنقال ...شي لايرضي الله احيانا ً واحيانا ثانيه لاتزيد ولا تنقص في عقلنا )..
مع الوقت صرت اتعلم اني ادخل معهم ..تقربت لكل شخص فيهم عن طريق اني ادور وش تكون اهتماماته واسأله عنها باستمرار (عن اي شي يحبه ) واناقشه فيه ..بشكل اني انقلهم من السوالف الغير مفيده الى ان تكون مفيده ولو حبتين على الأقل ..
أدعي الله بالسخره وتحبيب القلوب اليك ...
وأهديهم الهدايا ولو كانت معنويه ..
والله الله في (كبيرة البيت) فهي مثل المفتاح ..اذا كسبتيها فأنتي كسبتي كل شي في المقابل ..
دعواتي لك ..
و وفقتي ..
__________________
" إن المصائب كثيرا ما تكون رحمة في لباس عذاب"
*شكسبير
التعديل الأخير تم بواسطة د.فوزية ; 08-07-2007 الساعة 07:26 AM