أختي صاحبة الموضوع

رح احكيلك شو عملت مع بنتي مع العلم ان بدأت الحمام من عمر سنة و نص تقريبا و أخد معايا وقت شهرين

بس بصراحة كنت اضرب
ومش بس هيك مر علي وقت كنت عصب (بسبب بعض المشاكل اللي مريت فيها) و كنت ازقها بعيد يعني تطيح على الارض و قلها لما يكون في حمام قولي حمام

بعرف ان اللي رح يقرا الكلام هادا ممكن يدعي علي بس ظروف ومرت


المهم
انا كنت كل شوية قلها: حمام يا ماما؟؟
طبعا مابترد لان مابتعرف تحكي
و اخدها الحمام
اعمل حسابي كل وقت معين اخدها الحمام

طبعا بالصيف بتقل عن الشتا

و كل شوية اخدها الحمام و اشلحها الحفاضة
و اقلها اعملي حمام

طبعا ما حتعمل اشي
فبشغل رشاش الكرسي (الله يعزك اللي بنستخدمه للتشطيف بعد الانتهاء من قضاء الحاجة) والرشاش اللي بنستعمله خارجي مش موصول بكرسي الحمام

فبشغله و بشويش قدامها
بيعطيها ايحاء بالتبول خاصة ان بضغط على الرشاش بشويش لحتى تطلع المية قليلة
وبستنى شويى عليها

بع دقيقة تقريبا من هدر الماء بلاقيها عملت حمام

بالنسبة للبراز ، فبصراحة حفظتها كلمة (ككة) عنها
و باخدها الحمام و بقعد معها على الارض و بعمل قدامها الدفع زي اللي بتعمله لما تعمل الككة
فبوحيلها شو تعمل


شوية بعد طلوع الروح من الدفع بلاقيها خلصت المطلوب و بغسلها وبطلعها

لما كانت تعمل حمام على حالها كنت اضربها
و احيانا اكون عنيفة معاها

و اقلها لما يكون في حمام قولي لماما حمام

وصدقيني بعد فترة صارت تقلي ماما حمام
و احيانا تلحق احيانا ما تلحق
ممكن تقلي بس وقت ان خلص مافيها تمسك نفسها بزيادة

احيانا ضرب احيانا تعنيف بس احيانا بكلام هادي
يا ماما لما يكون في حمام قولي حمام

صدقيني وصلت ان نطقت كلمة حمام قبل اي كلمة تانية

وبعد ما تعودت بطلت ترضى تلبس الحفاض و بالعافية البسها اياها لما تنام
و تصحى الحفاضة نضيفة

و كمان وصلت ان صارت لما تكون محتاجة الحمام تغنيلي : ماما حمام حمام حمام وترقص وهي بتغني
وساعات تلحق تناديني و ساعات لا

المهم ان عرفت مع الوقت والضرب والكلام ان لازم تروح الحمام

من ناحية حتتعبي معاه رح تتعبي والله
و من ناحية تضربيه: انا اول ما ولدت بنتي حلفت ان ما اضربها بحياتي
بس بصراحة ماادتني فرصة
بضربها و احيانا بهبل
بيكون ضرب شديد

و في عمر سنة ونص
و انا وهلأ بكتب صدقيني دمعتي على عيني من اللي عملته فيها

بس عارفة
ماشاء الله عليها
كل اللي اكبر منها لحد الآن بلبسوا حفاض و هي سار الها سنة كاملة بتدخل الحمام

و هلأ بدأت اعلمها تقعد على كرسي الحمام بدل الأرض علما ان ما رضيت تستعمل النونية (القصرية او كيف مابتسموها)

بس كويس منها اللي وصلت اله

بالنسبة لمشكلة ان مابرضى يلبس بعدما يخلص
انا بستعمل مع بنتي الطريقة هاي

طبعا انا ما عندي غيرها و التاني في الطريق
لكن لو عندك اطفال غيره بيكون افضل

كنت اقلها و انا بطلع من الحمام ركض بقلها يلا يلا يا ماما نغطي الـ... قبل ما بابا يشوفه
عيييييييييب
و تجري ورايا و تلبس بسرعة
و احيانا لما يكون اولاد عماتها او اولاد خلاتها عندي
يلا يا ماما البسي عشان فلان وفلان ما يشوفوك
عيب غطي عينك يا فلان

وزي هيك

عرفت ان المنطقة هاي عيب حدا يشوفها غير امها وبس
حتى ابوها لما تسمعه بفتح الباب و هو راجع من الشغل وكانت بتتحمم مثلا بتجري بتسكر باب الحمام و بتكمل حمامها
ولو فتح الباب يتفرج عليها بتتحمم (خاصة اول فترة بدأت تتحمم فيها) كان ينبسط ابوها و يحب يتفرج عليها و هي بتتحمم بالدش بدل الطشت

تلاقيها تقفل الباب بوجهه و تقله عيب:14:


انا طولت بالحكي بس حبيت فصل لاوصل الفكرة

وياستي بالنسبة للاخت اللي قالت ان اللي مابنضفوا ولادهم قبل السنتين ان مش نضاف
فهدا كلام مش صحيح

انا كنت بدي اتركها لسن السنتين و بعدين انضفها

لكن الظروف حكمت واضطريت انضفها على سن اصغر و كمان اضطريت ان افطمها قبل بوقت
والحمدلله هيها ماشاء الله عليها الله يحفظها من العين

اضربي و علمي و كلمي
حتتعبي والله يعينك

بس لما تلاقيه بطل يعملها على حاله و مابستخدم الحفاض رح ترتاااااااااااحي
بكفي لما تشمي ريحة في الصالة او الغرفة ببطل قلبك يدق من الخوف ليكون هو عملها على حاله
او ان حتضطري تقومي تغيريله الحفاض

والله زماااااااااان ع التعب هادا
وهينا خلال كم يوم حنبدأه تاني مع الاخ الجاي في الطريق

ادعيلنا دعوتين حلوين لو ظبطت معك طريقتي ان الله يسهلي ولادتي

وقلبي معك والله