اخي الكريم

احب اقولك ان اهم شي البنت تطلبه بزوجها هو ان يحترمها ويحبها ويدللها بالكلام الحلو والغزل
ويحسسها انها ملكة جمال الكووون وان عمره ماشاف وحدة احلى عنها ,, وانها اميرته ,,
والبنت لما تشوف الريال يحبها يتقدر ظروفه وتتفهمه ,,, وبتعرف انه مابيقصر معاها باللي يقدر عليه وما يبخل عليها طول ما هو عنده ,, وصدقني بعدين هي ما راح تطلب منك شي فوق طاقتك لما تشوف حبك لها وطريقة معااملتك معاها ,,,


وغير هذا البنت ببيت ابوها غير عن لما تكون ببيت زوجها في وايد اشي ممكن تتنازل عنها وتتغير فيها

ومو شرط البنت اللي تكون عاشية بخير ونعمه تكون من النوع اللي يطلب ويشتري وايد ومايراعي

الحمد لله انا عايشة بفيلا كبيرة ولا صيف قعدت بالبلد ,, من طفولتي رحت وايد بلدان

رحت اوروبا وامريكا وغيرهم ,, والله لما قريت موضوعك حسيت كأنك تتكلم عني

ابوي مايقصر معانا بشي ,, بس هذا مو معناته اني ابي اعيش هالحياة مع زوجي ومابي اتنازل عن هالمستوى

من ناحية السفر والله مليت حتى هالصيف قلت لهم مابي اسافر ,, وماقمت اشتري وايد ,, وحتى السوق لما اروحه ماحب اشتري احب اقعد بكوفي ولا اكل ايس كريم والا اقعد بمطعم ,,
ترا الواحد يمل لما يتكرر هالشي وايد


,, اهم شي تحسسها انك مابتقصر معاها وبتسوي كل شي يسعدها وهي بتقدرك صدقني ,,ولازم تعرف عن وضعك كونك انت خطيبها وان شالله زوج المستقبل


واعرف وحدة ابوها ماشالله ملياردير وتزوجت واحد راتبه متواضع ,, و وايد تحبه ,, لان وايد يحترمها ويحبها ويدللها بالكلام الحلو والغزل ,,