اختي الحبيبة .. شموخ السلام عليكم ورحمة الله وبركاته..
اسأل الحي القيوم ان يلين قلب زوجك لك كما الان الحديد لنبيه وعبده داوود
وان يسخر بعضكم لبعض ويدحر الشيطان عنكم ..
حبيبتي . لايضيق صدرك ابدا فالمشكلة بسيطة والحمد لله ..
وانا متأكدة ان عوامل كثيرة اثرت على زوجك وخلته يعصب ويرفض التفاهم.. منها انه في العمل والرجل عندما يكون في العمل يكون مضغوط بلإضافة الى زملاءه الله يهديهم ويكيفكم شرهم ماقصروا .. وطبعا لاتنسين خوفه عليك لأنك وحدك في مدينتكم فما يدري وين رحتي او وش صار لك خاصة وانك متصلة عليه قبل لاتروحين .. وتلقينه نسى سالفة الادن اللي اختيه وفكر انه صار لك شي لاسمح الله ولا كان ماطلع من عمله وجاء مسرع..
عرفتي الحين انه عصب عشان كل هدا؟
اتركيه الين يهدأ تماما واضغطي على نفسك شوي لاني عارفة ان الصبر صعب خاصة من اللي يحس انه انظلم بس معليش
بعدين سوي الاشياء اللي يحبها كان في الاكل ولا في البيت ولا في لبسك وحطي له بطاقة صغيرة فيها اعتدار لطيف كلمة او كلمتين بس
ثالثا ان شفتيه هدا وتقبل كلميه وقدمي هديتك ووضحي موقفك لاوبعد تقدرين تعاتبينه عتاب رقيق بخصوص زملاءه اللي تدخلو بينكم وبخصوص ظنه السيئ ..
احيي فيك كتمانك لأمور بيتك الخاصة عن الآخرين وحتى عن اهلك الله يجزاك خيروصدقيني ان الشكوى للحي القيوم افضل من الشكوى للناس
احب اوصيك بعد على الدعااااااااااااء افرشي سجادتك في آخر الليل وصلي اللي يكتب لك ربي وادعي ادعي ادعي ان الله يؤلف بينكم ويكفيكم شر من فيه شر ويبعد الشيطان عنكم والله يوفقك حبيبتي .. لاتنسين طمنيني عن احوالك ترى لك اخت يسرها سعادتك..
وانا حاسة فيك لاني يصير لي دايما زيك...