اعتقد انكم مهتمين بالموضوع زيادة عن اللزوم وانت يا اخوي (النسر الذهبي ) الموضوع ابسط بكثير من انك تاخذ راي احد فيه .

من اللي كتبته كل شي واضح.

انت انسان ما كانت في بالك بنت محدده وبعدين اذكروا لك بنت خالك مع انك ما تشعر ناحيتها باي شي ووافقت ويمكن اللي خلاك توافق اهو انك عرفت انها تحبك وتتمناك وهذا شعور موجود عند الجنسين الريال يبي البنت اللي تحبه والبنت العكس (هذا شعور طبيعي)

انا ما ادري اذا كنتوا من العوايل اللي تسمح بالاختلاط ، اذا كانت تسمح فاكيد عندكم خلفيات عن بعض

اما اذا كانت ما تسمح ممكن عن طريق الخطبة او حتى الملكه لانكم في النهاية اهل

بس نصيحة لا تعتمد كثير على اطراف اخرين حتى لو كانت اختك ، مافي احد راح ينقلك المواضيع بامانه تامه من غير زيادات

فنصيحتي الخطبه تكون للتعارف البسيط في حدود الشرع ، وفي الملكة ان شاء الله تتعرفون بشكل اوسع وما اعتقد انك راح تخسر شي ، البنت بنتكم


طولت عليك سووووري