اعذريني اختي ما رديت عليج بسرعه لاني كنت منشغله في الايام اللي طافت
المهم
هل من الممكن ان احد من اقاربه او اصدقائه يؤثر عليه
كان يكون والده كبير في العمر ويرغب برإؤيه احفاده
لا محد يأثر عليه امه و امي في بداية الاربعينات و ابوي 47 و ابوه تقريبا 52
و بالعكس الكل يقول لنا لا تستعجلون بالانجاب توكم في بداية حياتكم و كلهم يقولون عالاقل خلوا الحمل بعد ما يكمل البيبي سنه و نص او سنتين او 3
حتى جدتي و جدته يقولون لي استخدمي حبوب منع الحمل المره اليايه عشان ما تحملين على طوول
يعني ما اعتقد ان حد مأثر عليه
و عن الفرق بين الاطفال احنا من النوع اللي ما يحب يكون في فرق في العمر بين الابناء
يعني بيني و بين اخواني سنتين
و هو و اخوانه بينهم سنتين و بعضهم بينهم 7 سنوات
و هو يعرف اني ابي الفرق بين عيالي سنتين او 3 و هو موافق على هالفكره بس
يهددني اذا ما رضعتي طبيعي لازم تحملين
و انا الحين حاسه ان الحليب ما راح يكفي البيبي و هو يقول غذي نفسج عشان يكفيه لان هالمره ما راح يسمح لي اعطيه حليب صناعي حتى لو مات من الجوع
انا بصراحه تعبت و مرات ودي اموت و افتك من هالمشكله
يعني لازم انتبه لبنتي و للبيبي و ارضع طبيعي و الحليب خفيف و ما يكفي و اتعذب و انا اشوف البيبي يبكي لانه جوعان و ما اقدر اعطيه شي و اذا ابي الحليب يزيد في صدري لازم اتغذى عدل و انا من النوع اللي ما احب الاكل و اذا اكلت شي احب اني استمتع بأكلي و يكون الجو هادي يعني شلون اكل و البيبي يبكي ؟!!
انا اذا شفت طفل (مش ابني) يبكي قلبي يعورني و بطني يعورني و ما اقدر اكل احس ما اقدر ابلع اللقمه
فشلون لو ابني و هو طفل رضيع و ماله حد غيري و ما عندي حل غير اني اعطيه صدري؟!!
و صدري ما يكفيه
و الله تعبت تعبت تعبت و الله اني اكتب لج و انا ابكي
ابكي لاني عارفه ان محد يقدر يفهمني
و يمكن الناس يشوفون المشكله بسيطه
بس والله و الله ان هالمشكله تخليني ادعي على نفسي بالموت
اقعد كل يوم ابكي و اتمنى الموت
و الله نفسيتي صارت زفت
عمري ما كرهت نفسي مثل الحين
__________________
