حبيبتي
قرات مشاركتك وانا عضوة جديده وبيسرني انه تكون اول مشاركه الي معك....حبيت احكيلك انه انت لا اول وحده ولا اخر وحده بتعاني من هالمشكله
اذا كنتي انتي بدك تتطلقي بعد سنه من زواجكم فانا كنت راح اتطلق بعد اربع شهور من زواجنا...مع العلم انه كان حبيبي واخدين بعض عن حب من خمس سنين ولو بتشوفي شو بيحبني وشو بحبه وماراح تسدقي...مشكلتي تقريبا زي مشكلتك وافظع
لدرجه انه جوزي اللي هوه كل الدنيا اللي بيسافر وما بشوفه غير بالشهر اسبوع وانا ببلد وهوه ببلد وصابرة ومتحمله البعد وانا حامل جديد وصابني فقر دم لما خلاني مع اهله وغاب عني ولا حدا فكر يهتم فيي بالعكس دار ضهرو من هون وبطلو يطيقوني من هون بس ما بعرف ليه...شو بدك بوجع الراس بلاش ازيدها عليكي بالاخر وباختصار سافرت عنده للبلد اللي هوه فيها ومارضي يسلم علي ما بعرف ليه...وبعد اسبوع من العذاب اللي كنت طول الوقت مشتاقه وافكر فيه بس اجي الاقيه مو طايقني يقولي باختصار...انتي وامك واهلك عملينلي سحر وحاطينه باواعيي بخزانتي اللي بالبلد اللي كنت فيهايعني عند اهله...شو رايكم ياجماعه؟؟؟؟انا واقسم بالله العظيم اني اتربيت ببلد وعيله وبيت دراسه وتعليم وكله احترام ودين ولا عمري فكرت اني اسدق هيك شغلات كنت دايما انفي وجودها واتوكل عالله بكل امور حياتي اطلع مشعوذه...اشي بيضحك بيقولولك شر البلية ما يضحك...حبيبتي انا حبيت اقولك انه اذا بتحبي هالبني ادم بترضي بكل اشي منه بس بشرط يكون راضي فيكي متل ما انتي ومقدرك ومحترمك اما اذا حسيتي انه عديم المسؤوليه ولا بيفكر غير بامه شو حكت وشو رح يزعلها ويرضيها انا بقولك عن تجربه مابدك اياه
ما راح ينفعك
ولا راح تطلعي معه بنتيجه
الا في حاله وحده
انك تتاكدي انه بيحبك ورايدك تكملي حياتك معه اصبري واتحملي عشان امه اخرتها اذا بتسمحيلي راح تنقلع ومنها لالله هوه متكفل فيها وراح اخرتك ترتاحي منها ومن بلاويها اسمعي مني اذا بيحبك عنجد لا تستغني عنه واتمسكي فيه وغيريه بطريقتك اصبري عليه بس اخرتك تلاقي حل معه دوام الحال من المحال وانشاء الله الله بيفرجها عليكي وعلى نساء المسلمين يارب وبيهدي رجالهم للي بيحبه الله ويريحك من اي انسان بده الك الشر لا تستغني عن حبك بسهوله لانه ما حتلاقي بمواصفاته وخلص اسمه انكتب عاسمك...ديري بالك عحالك وبتهون.