انا معك اختى مرريت بنفس الحاله تمام اهلي في منطقه بعيده واهل زوجي بينا وبينهم تقريبا ساعه المهم انا كنت اربع خمس ايام عندهم ويومين في بيتي هذا الكلام من بعد ثلاث اسابيع من زواجي لدرجه اهله يقولو حرام ايجار الشقه رايح بلاش انت اغلب الوقت هنا حتى في حملي تخيلي كنت اراجع عندهم مع اني انا الي ساكنه في جده وهم في منطقه ثانيه يعني جده مستشفياتها احسن وافخم
طبعا مانقلنا عندهم لان زوجي يبغي قريب جنب العمل وهم منطقه تانيه المهم استمر الوضع وجبت اول طفل وثاني طفل واحنا على نفس الحال الا ان تعدلت شوي الاحوال وبدينا بس خميس وجمعه وبعد الطفل التالت زاد عليه ضغط العمل وكمان الاولاد صار يبغوا يلعبو يطلعو ياخذو راحتهم وان كنت اتكلم معاه بالهدوء والحمدلله كبروا الاولاد ودخلو المدرسه وانشغلنا بحياتنا والان نطلع بس الربوع او لاحظي او الخميس والان مشغول مع البيت الجديد يمر اسبوعين ثلاث ماطلعنا لهم
على فكره بيننا حب واحترام انا واهل زوجي مايوصف وعلاقه جدا طيبه لكن الوحده احيانا تبغى تاخد راحتها تبغى تتمشى تبغى سوق بس
يعني الحل انك تصبري وتحاولي فيه بهدوء وتقنعيه بالسياسه وكمان عادي قولي لاهله خلاص الاسبوع الجاي ماني جايه والله نفسي اتمشي او اروح السوق او 000جبيها مزح بجد
وصدقيني تمر الايام ومايبقى غير الطيب والذكرى الحلوه لك وتاكدي انه سينشغل بالعمل والابناء والمدارس وستنتهي معناتك وتبقى ذكري