منتدى عالم الأسرة والمجتمع - عرض مشاركة واحدة

16-06-2007, 12:32 PM

قمر النساء

عضو نشيط جدا

تاريخ التسجيل: Apr 2007

المشاركات: 401

اقتباس:

المشاركة الأصلية كتبت بواسطة مشاعر مرهفه

السلام عليكم جميعا ..

أنا مملكه من ثلاث سنوات .. والزواج باقى عليه عشرة اشهر ..

انا عندي مشكله لكني دايما اتهرب من مناقشتها او البحث عن حل جذري لها ..

ومشكلتي باختصار اني خجوله .. واكره ان حد يقرب مني او يلمسني ولو حتى بالخطأ .. وتكون لي ردة فعل عنيفه مع هالموضوع ..

تدرون انا بعيده عن اهلي بسبب دراستي ..

واصعب شئ عندي هي لحظات الوصول من السفر او المغادره والسبب ان ابوي وامي يحضنوني ساعتها ..

وانا من الخجل اتكرمش واتكور على نفسي عشان تقل الاجزاء المتلامسه من اجسادنا لاقصى حد ..

حتى اخواني الشباب ما اسلم عليهم غير بالنظر .. كل اهلي يدرون عن مشكلتي ..

امي واخواتي او حتى صديقاتي المقربات لما يتقصدوا يلمسوني اصارخ عليهم ..

واجلس حاقده عليهم فتره من الزمن ..

واخس اخس شئ عندي هو زيارة الطبيب عشان الكشف الطبي ..

ومافي مره رحت فيها المستشفى إلا لأني غايبه عن الوعي من شدة المرض ..

لأني لو صاحيه مابروح ابدا ..

اذكر مره و انا في سنه ثالثه جامعه طلعت فيني حبوب في رجولي .. واهلي غصبوني اروح لدكتور جلد ..

ووقت الكشف الدكتور قرب مني بسماعته ..

وانا ساعتها معرف وش اللي صابني ..

قمت اصارخ وابكي مثل المجنوووووووونه .. ودفيته بايديني في كرشه بكل ما اتاني الله من قوووووه ..

لدرجة ان المسكين طاااااح على الارض وهو مصدوم مرررررره من ردة فعلي ..

وخرجت من العياده اجري لعند سيارة ابوي وانا اصيح وابكي .. وامي تجري وراي ..

وصار فيلم هندي يومها ..

وكانت هذه اخر تجربه لي مع الدكاتره ..

بسبب المشكله هذه .. علاقتي بخطيبي ظلت سطحيه مرررره .. وماتطورت رغم مرور ثلاث سنوات علينا ..

يعني لا كلاااام حب ولا كلااام عن علاقه خاصه ولا عن شهر عسل ولا عن امورنا المستقبليه ..

كله كلام عن شغله ودراستي واهلنا ..

وهو كان يراعيني ويحاسب على مشاعري .. ومايفتح معاي اي مواضيع تضايقني ..

وانا مع الوقت اطمئنيت له وحسيت انه ماهو مثل باقي الشباب ..

المشكله الحين انه امس خطيبي اتصل عليّ المساء وظلينا نتكلم كلام عادي مثل كل مره ..

لكن وقبل ماينهي المكالمه ارسل لي قبله في الهواء وسكر الخط بعدها على طوووول ..

انا ظليت بعدها سهرااانه ومهمومه من اللي صاااار ..

تصرفه ذكرني بليلة الدخله والعلاقه الزوجيه وكل هذه الامور ..

وظليت احس بغثيااان وقررررف طوال الليل .. وبكيت لين غفت عيوني ..

والحين مالي نفس اكلمه ابدا ..

المكالمه اللي قبلها ظل يحايلني عشان اناديه بكلمة زوجي وماقدرت اقولها ..

احب خطيبي مرررررره .. لكني احس اني من داخلي مو مستعده لمتطلبات الزواج .. واكره شئ اسمه تقارب جسدي ..

تكفووووون وش الحل ???

واعذرووووني على الإطاله ..

عزيزتي بسألك سؤال واتمنى توني صريحه فيه مو شرط تجاوبيني وجهي جوابك لنفسك وبعدها يمكن تلاقين طرق للعلاج من اللي انتي فيه ( سوري بس احسه مثل الحاله المرضية)
انتي تعرضتي لاي ملامسة جسدية او حركة غريبة او جنسية من اي نوع وفي اي عمر ؟!!
ارجعي بذاكرتك للطفولة وتذكري زين ( قد تكوني انتي البأدئة بالحركة مو شرط غيرك !!)
خطيبك يحبك وانتي تحبينه بس انك خايفة من العلاقة الزوجية اللي من الطبيعي بتعيشينها ... حبيبتي نصيحة مني اذا كنتي تقدري تروحي لطبيبة نفسية لا تقصرين على عمرك .
ما قدرتي تقدري تراسلي اي طبيب نفسي خليجي وحبذا سعودي ومعروف بتقواه عشان ترتاحين (( سوري مو تعصب والله لكن احقاق للحق))
عموما عزيزتي اذا حسيتي انك ودك تقولي اي شئ او احتجتي اي شي ان شاء الله نساعدك ومحد مقصر .

اتمنى من ربي يسعدك ويهدي باللك ويريح قلبك ويطمنك ويحببك بزوجك .
نصيحة اخيره حاولي دائما اقناع نفسك بأن هذا زوجك وقربه منك بيزيدك سعادة وراحة وامان وتأكدي انه هو الوحيد اللي بيقدر يخرجك من حالتك هذي بس لا تكوني قاسية معاه واطلبي منه يساعدك وهو مو مقصر .

اللهم سخرهما لبعض واسعدهما .