أخي جزيرة الكنز السلام عليكم
للأسف كالعاده الرجال قمة في الأنانيه أهم شئ عندهم أنها صغيره وبتربيها على كيفك عشان تصير عجينه في يدك أما هالبنت المسكينه ما يخصهم ايش حيكون مصيرها اتقو الله يا رجال
طيب ومستقبل البنت ودراستها يعني أذا ما درست وجلست في البيت حتكون قضيت على حياتها لأن بعدين ما تضمن الظروف وغدر الزمن وساعتها البنت حاتندم أشد الندم ساعة ما يفيد الندم وقولة يا ليت اللي جرى ما كان
أما أذا كانت بتكمل دراستها فأيضا ستعاني الامرين لان المسؤليات من زوج وبيت ودراسه وأولاد حتكسر ظهرها وتقضي على صحتها ونفسيتها
وأنا أقول هالكلام عن تجربه شخصيه لاني تزوجت وعمري 16سنه والله أعلم أيش عمل فيني الزواج والأولاد والمسؤليات والدراسه يكفي أني ألى الآن بعد ست سنوات من الزواج وأنا أتمنى لو يرجع الزمن حتى أتمتع بطفولتي مثل العالم والناس وش قد كنت اتحسر لما أشوف زميلاتي في الثانويه مبسوطين ومدللين لا مسؤليات ولا وجع رأس وفي الجامعه كل زميلاتي ما وراهم ولا قدامهم غير دراستهم ولبسهم وطلعاتهم وأنا محرومه من كل هذا لان مسؤلياتي ما خلت عندي لا وقت ولا جهد حتى أتنفس أو أحصل على حاجاتي الطبيعيه مثل النوم والراحه والاكل
أنا أقول لا والف لا أقل من عشرين سنه ظلم واكبر ظلم للبنت
الله يسامح اللي كان السبب
وشكرا اخوي
ملاحظه: الرسول عليه الصلاة والسلام أوصى بالزواج المبكر وهذا على عيناورأسنا لكن يانااااااس الزمن تغيييييير شئتم أم أبيتم ,اذا بنت ما تزوجت وعمرها 9 أو 13أو15حتى ما راح تكون كافره