انا حاسة بشعورج الطلاق صعب.. وادري ان لما اتفكرين بالطلاق اتحسين بالضيق.. بس صدقيني اذا زوجج استمر على هالحال مالج الا الطلاق ابرك .. واخير... واسلم .. لان ماتدرين يمكن يزيد بدل مايتعدل .. انا مادري كم عمر عيالج .. بس الاحسن تفترقون الحين .. قبل لا تتخزن هالمواقف في بالهم .. افترقو اذا مافي امل .. عشان اتربين عيالج مثل ما انتي تبين من غير محد يكسر كلمتج .. عشان يكون عندج كلمة على عيالج .. صدقيني مافي غير جذي.. الطلاق صعب حيل صعب.. لكن خلي عواطفج تجاه زوجج كلها على صوب.. وفكري بعقلج .. اتخيلي لو كملتي حياتج معاه هو بهالحال كيف بتكون .. واتخيليها من غيره.. انتي ادرى مننا بزوجح خصوصا انه بالفترة الاخيرة زاد بتصرفاته وتجرأ وصار واضح .. يمكن قبل كان احسن .. وماتدرين يمكن يتوب ويصير احسن من اول.. بس لازم اتسوين كذا شي اول.. اتصلين استخارة اكثر من مرة .. تواجهينه وبقوه .. خليه يحس بقوتج اتتي صح وبموقف قوي اذا صرتي قويه بتلقينه يضعف جدامج .. دخلي حد من اهلج اتحسينه قدها بهالمواقف .. واذا ماتغير ولا تاثر .. الفراق ارحم .. !! لج ولعيالج!!
__________________
ربنا هب لنا من أزواجنا و ذرياتنا قرة أعين واجعلنا للمتقين إماما
أرجوكم ادعو لي ..بإن ربي يجمع بيني وبين زوجي على خير
إلى زوجي ..إلى مقلتي.. إلى فؤادي...إلى بسمتي... إلى دمعتي... إلى حياتي وروحي... إلى عشيقي، حبيبي، فارسي، أميري، إلى القلب والكيان... والحب والهيام...
الـعزيـــــــــــــــز بو وداد..
أحبــــــــــــك ...