انا برد عليكم كلكم اخواني وخواتي اللي وقفوا معاي

بالموضوع الحمد لله ان السالفه انحلت تقريبا

بس بغيت اذكر كل شخص كتب عني بارده يحط نفسه فيي مكاني

اللي يقول وديها مستشفى واللي يقول طبيب نفسي

مافكرتوا انه بيفتح لي محضر تحقيق وبانفضح وبتنقلب الدنيا على راسنا قبل مايجون اهلي

انا اقول في نفسي يمكن مافكروا باللي انا افكر فيه عشان كذا يشوفون انه هذا هو الحل المناسب لكن هم ماقصروا ردهم علي حسسني انه معاي بالمشكله

في احد يقولي قولي لاي رجل يعرفكم يجي يتفاهم يمعاه

وانا كنت اخايفه السر اذا طلع من البيت شاع خلاص

مستحيل اي رجال سواء عمي او خالي او اي احد بيسكت اللي بيقول لمرته والا امه والا حتى اخوانه


مافيه احد اضمنه على سر زي هذا

بعدين انا خايفه على سمعت اختي الطفله البريئه اكثر من اخوي

لان الناس ماراح تنسى حتى لو كبرت وتزوجت

وباقي الاخوات والاخوان ردودهم امنت خوفي وحسستني باخوتهم


طبعا انا الايام اللي راحت قبل عوده اهلي صرت ماتكلم معاه والله غصب عني مالي خلق اطالع في وجهه

وصرت كل شوي اخوفه اختي مدري ايش فيها اليوم مب طبيعيه البنت اكيد احد مسوي لها شي

وبديت اقول له بطنها يعورها قوم جب لها دوا هو حسيت بعيونه انه فاهم ايش قصدي وخايف

وسكت مافاتحته بالموضوع ليييييييين ردوا اهلي



اهلي رجعوا وانحلت المشكله اتفقت مع اختي الصغيره تفضح اخوي قدام امي وامنت لها كل شي بحيث انها ماتخاف منه ابدا

حتى سرير غرفتها جبته عندي بغرفتي تنام معاي وشرطت عليها ايش

انها تقول كل اللي صار قدامه وقدام امي

طبعا امي اول ماقلت لها انهااااااارت وبدت تبكي ومانامت ذيك الليله

راحت وسمعت الكلام من اختي نفسها

والحمد لله وافقت بعد ماترجيتها والحمد لله صار اللي خططنا عليه اختي قالت كل شي قدامهم هو وامي

هو قام بيضربها وامي مسكتها

وطلع برا بسيارته

زعلان ولي عودة بعد مايرجع واخبركم



تحياتي لكل من افادني بكلمه او نصيحه وماراح انسى وقفتكم معاي ياعضاء منتدى عالم الحياة الزوجيه