طيب شوفي
انتي لازم ترضين بهالواقع وهذا زوجك وهذيك امه واللي مافيه خير لأهله ماراح يكون فيه خير لزوجته وعياله
وانا ما ألومك أنا مثلك اكرهه ان اي مخلوق يتسلط علي..
بس هذا واقعك وهذي عيشتك
حاولي تسوين الاشياء اللي تحبها وتجنبي الاشياء اللي تنرفزها
عامليها زي أمك بالضبط
ترا والله الخاله مهما كانت متوحشه وشريره اذا عاملتيها زي امك بالضبط تحبك وتزيد غلاتك عندها
عطيها هدايا بين فتره وفتره بوسي راسها احترميها وقدريها
صدقيني بتحبك وبتعزك وتقدرك
انا اول ما تزوجت مو خالتي ام زوجي اللي مجننتي جدت زوجي تخيلي جدته
طبعاً هي ساكنه مع خالتي عندهم
وزوجي اول حفيد لها تحبه حب فظيع تحبه اكثر من كل عيالها ماتسميه الا الشيخ والقمر
يوم زواجه قامت تبكي لأنه بتفارقه وضاق صدرها
وانا عروس تتخيل اني انا اللي سرقته منها بس طايحه فيني تهزيء وتفشلني قدام حريم عيالها
استلمنتي استلام الله لايوريك مع ذلك انا ساكته وصابره
ورحت لأهلي مرة وانا متضايقه منها ومن سلبيه زوجي من هالموضوع
قال ابوي اكسبيها بطيبه قلبك قدريها واحترميها واشتري لها هدايا بمناسبه وبدون مناسبه
والله وخلال سنه بس من زواجي حطتني فوق راسها وحريم عيالها نسفتهم ولا عاد تهتم منهم
والآن جبت بنوته والله انها تحبها حب جنون وانا بعد
ويوم ولدت بالمستشفى جتني للمستشفى مع انها تعبانه وماتقدر تمشي من ألم رجولها ومفاصلها
جتني وباست راسي
واذا تعبت لو زكام خفيف تتصل تسأل عني وساعات اذا جيتهم وحست اني متضايقه من ولدهم
تصارخ عليه تقول اكيد انت مزعلها ؟!
يعني انتي سوي مثلي وان شاء الله تتغير ...
__________________
يارب سهل حملي ويسر ولادتي وقومني بالسلامه وفرحني برؤية جنيني في حضني وانا وهو بأتم الصحه والعافيه ..