الحزينه .. ازيدك من الشعر بيت ..

وهذا شي نشوفه حوالينا وفي كل مكان ولو تعمل احصائيه طله ثلاثة ارباع الأباء في المملكه نفس النظام ..

شغل الصبح .. نوم الظهر .. مع العصر .. المغرب عند التلفزيون .. يلبس ويروح الأستراحه ..

وكلهم من ما رأيت وسمعت .. اطباء .. مربين اجيال .. اصحاب مناصب حكوميه .. كل الأصناف ..

حتى اني سمعت من مدير مدرسه يقول ما يتصل علينا ويسألنا عن الطلاب الا امهاتهم .. وبعض الامهات تطلب من المدرس او الموجه الطلابي ان يقوم بدور الأب وينصح الأبن عن سلوك معين ... ويتناقش معه .

السبب انها ما تعتمد على الأب ...

ولو تسأل واحد منهم كيف مستوى ولدك في المدرسه قال مدري اسأل امه ..

وتلاقي ولا واحد منهم سبق وفتح دفتر ولده يشوف مستواه او خطه او ترتيبه .. او دقق على واجباته ..

اختي زوجها من هذي النوعيه .. لا له لا في العير ولا في النفير ... كأنهم مو ابنائه ..
تخيلو بنت اختي عمرها 6 سنوات .. كنا نتفرج على مسلسل فيه مشاده بين رجل وزوجته .. التفتت علي وقالت صحيح انه يبغى يعيش حياته

انا قلت لها يعني اشلون يعيش حياته .. قالت يعني يسهر يرجع البيت متاخر .. ينام كثير .. يسافر ..
وزوجته هي الي تودي العيال للمدرسه هي الي تدرسهم هي الي تأكلهم هي الي تشتري لهم ..

قلت في نفسي .. هذا اول درس تعلمتيه في هذي الحياة .. الأب يبغى يعيش حياته ..

__________________
********