بصراحه أنا ساكنه في شقه أجار وشقتنا صراحه حلوه حيل وكبيره حيل بس اللي مضايقني
اني بروحي يعني صحيح اني وزوجي نسوي عزايم من فتره لفتره عشان نحس بحركه في شقتنا والحين
الحمد لله أهل زوجي يبنون بيت كبير ولنا شقه متكامله وفيها مدخل خاص أصلا قاعده اتمنى يخلصون البنيان بسرعه عشان نسكن وياهم لان أهل زوجي طيبين حيل الله يذكرهم بالخير ويعني أتخيل روحي مستانسه معاهم انزل لهم في اي وقت أشوفهم ويشوفوني
الله وناسه بصير مو معزوله بروحي بيصير معي أهل في البيت في أروع من كذا
ويعلم الله في حالتي بداية زواجي كنت أزهق حيل لان زوجي دوامه طويل ويرجعلي متأخر ولا وياي أحد الشقه خاليه مافيها حس ولا نفس بس كان يضيع وقتي الصبح في الكليه والحين الله رزقني ببنت ملت علي الدنيا كلها الحمد لله بس والله والله الأهل حلوييين
__________________
