وأزيد علي رأي اخوي الوليد....1- اعطيه الثقه...... عشان يتمكن من مصارحتك بأي شي جديد يصير معه بل بالعكس حاولي تاخذينه على قد عقله شوي بالحوار والأخذ والعطا مو بالأوامر والنهي عشان يطلع الأولي والتالي بس لا تعاقبيه خليه يفضفضلك أول بأول بدون خوف منك باين عليه هو بعد مو مرتاح بالوضع والحمدلله انه مو مبسوط على كذا وطمنيه ان هالناس اذا اشتكيتوهم للشرطه ينحبسون ويتعاقبون بس لازم انت تتعاون معنا عشان نقدر نشتكيهم ومن هالكلام بكذا مارح يخاف من تهديدات الاولاد بأنهم يعلمونكم على الأقل بيقتنع ان الي هم عليه غلط.

2- اشغليه بنادي لرياضة الدفاع عن النفس من تيكوندو وكراتيه هالشي يقوي من نفسه ويساعده بالموضوع كثير.


*والأهم من هذا كله قوي عنده الوازع الديني بقصص واشرطة فديو كرتونيه خاصه بالمواعظ والحكم
حبيبتي احمدي ربك ان بعده صغير ويمكن التحكم فيه والتغيير منه افرضي لو عمره ب17 او 20 كان المشكله رح تلازمه وصعب جدا حلها.
هدي من روعك وكوني حكيمه هالزمن فيه هوايل تشيب يبيله الي يخلف اطفال لااااازم يفتح عينه عالشارده والوارده ولا يستهين بالصغيره فالنار اولها شراره والله ما ألومك من خوفك ماتحكمتي ..وكلي أمرك لله واستعيني به وبإذن الله طالما تربيتك لأولادك جيده وأساس البيت صح رح تثمر بس يبيلها صبر شوي وماهو الى ابتلاء
عسى الله يهدي بالك