أولا الله يهديك يارب
لاتدعي على ولدك
فدعاء الوالدين مستجاب وربما صادف وقتا لإجابة الدعاء فوقع
وقتها بترتاحين؟ ماأظـــــن.

نجي لمشكلة ولدك..
الضرب مو حل أبدا بالعكس بيخليه ينفر منك ويندم إنه قال لك شي.
الكل يتمنى أولاده يكونوا أحسن الناس بس خلاص إنتِ صادفتك مشكله
لازم تتعايشي معاها وتحليها بالشكل الصحيح

أشعر إن ولدك ضحيه ويمكن ماكان يفهم اللي قاعد بصير
ولما جا ولجأ لكم ضربتووووووووه والله قطع قلبي
المفروض احتويتوه سمعتوا له
وخليتوا أبوه يروح يتفاهم بنفسه مع الأولاد
اللي للأسف إنتوا فتحتوا لهم الباب يتمادوا معاه أكثر
لأنكم ضربتوه وصاروا يهددونه يايستجيب لرغباتهم أو يشتكوا عليه
وهما عارفين النتيجه مسبقا إنها الضرب وإنه بيخاف ويستسلم.

والله العظيم قلبي عورني من كلامك وإن شاء الله ربي يصلح ولدك ويهديه يارب
ويرزقه حفظ كتابه ويخليه من أحسن الناس.

بس اتعاملوا معاه بواقعيه أكثر وحطوا حد للي يتحرشون فيه ويهددونه
وعلموه إنه الملجأ الوحيد له بعد الله هو أنتم
وصدقيني بعد كذا أي شي يصير له هو بنفسه مايرتاح إلا لما يقولك.

أختي قومي اتوضأي واقرأي قرآن وادعي الله إنه يساعدك في حل ذي المشكله ويفتح عليك

ونسيت أقولك شي
أكيد جا في نفس ولدك لما خاصمتوه وضربتوه إنه بس عشان الناس اش يقولوا علينا؟
طيب ومشاعره والشي اللي صار فيه وأكيد حيأثر على نفسيته..ماهمكم؟؟

مايحتاج أوصيك على ولدك لاتدعي عليه ولاتتخلي عنه والضرب مو حل.

__________________
.. ربي لك الحمد والشكر ..