السلام عليكم،،،
خذي موقف وبسرعة من رأي لأنه إنسان خاين لو الزوج كشف حرمته وهي تخونه كان ذبحها،،، انتي في وقت ملائم افتحي الوضوع،، يعني مثلا:-
1- وهو قاعد يصلي اجلسي راقبيه لين ما يخلص صلاته .
2- أعطيه قرآن قبل ما يقوم من على السجادة وخليه يحلف إذا كان مخلص أو يخونك.
3- إذا ما رضى يحلف وهذا إلي أن متأكدة منه وعصب عليك قوليله ليش معصب إذا كنت غلطان واسكتي عنه.
4- لا تخلينه يقرب صوبك أبدا أو حتى يلمس إيدك، وجهزي له أكله وملابسه ولا تكلمينه إلا في الضرورة
5- إذا استغرب ولاحظ غضبك وسألك خليه يعترف بغلطه وكوني حازمة، ولازم تعرفين السبب!يمكن يبي يتزوج، و ما يسوي شي حرام
6- إذا حبيتي تسامحينه عاقبيه بشي هو يحبه يعني إختاري شي هو يحب يسويه وقولي له إذا تبغاني أسامحك هذا الشي لاتسويه، ولازم تعرفين من يومها مع من يطلع و وين؟؟ بس فترة لين ما يتأدب وبعدين بين فترة والثانية إسأليه عشان يحاسب
7- فترة بسيطة ما تتعدى الأيام عامليه بجفاء و لا تبينين بإنك سهلة
8- لا تبكين لماتكلمينه لأنك مب غلطانة و لا ترفعي صوتك ( بهدوء وحزم ) امسكي نفسك و لاتبينين بإنك بتموتين من دونه
9- أما إذا ما رضى يعترف أو يراضيك فهذا الإنسان ما منه رجى
لاكن لاتسكتين لأنه الساكت عن الحق شيطان أخرس
إذا رأئي مب زين لا تاخذين به

__________________

فراشة