اللهم آمين
اقتباس:
غريب امر زوجك .. فحتى لو كان يشاهد تلك الصور الخليعة تظل الرغبه موجوده لدى الرجل تجاه زوجته خاصة لو مضت فتره طويله عن آخـر جماع لهما .
حاولي إنك تفتحين معاه الموضوع بشكل متكرر وتـتـناقشين معه بهدوء عن الاسباب الحقيقيه لهجره .. وتذكرينه بحقك عليه كزوجه محتاجه لحنانه .
الله يعينك .
|
حاولت اعرف الاسباب ومثل ماقلت لكم يقول ماعنده رغبه !
على فكرة احياناً يتمسخر علي احياناً ويقول حاس انك تبين شي بس مو عارفه
توصلين له !! والله كرهني حتى في اني اتقرب منه او البس له شي خاص خلاص
خليته براحته ونسيت شي اسمه جماع كرامتي فوق كل شي .
اقتباس:
لاحول ولا قوة إلا بالله العلي العظيم
حسبك الله ونعم الوكيل .. حسبك الله ونعم الوكيل
كل ما دار في مخيلتي أجبتي عليه إذاً إين المشكله ...
1- هل زوجك رجل محافظ على الصلاة ويخاف ربه ؟
2- هل هذا المولود أول مولود ؟
3- كم عمره وكم عمرك
|
حسبي الله ونعم الوكيل
وبالنسبة للأسئلة:
1- اي هو يصلي
2- اي اول مولود
3- عمري 24 وعمره 25
اقتباس:
صراحه شي عجيب جداً ...
طيب معقوول يقول ما لي نفس ؟؟؟؟؟؟؟؟؟؟؟؟؟؟
طيب قولي له انا مالي حق عليك ؟؟؟ شووفي ايش حيرد عليك
|
اي والله يقول ماعنده رغبة وحاولت اتناقش معاه
حتى عن طريق الأوراق لكن مافي فايدة وقلت له ان المرأة تحتاج تحس بأنوثتها
والمسألة مو فقط جنس لأن ابعادها اكبر من هالمستوى وانك تجرحني بهالتصرف
لكن لاحياة لمن تنادي
اقتباس:
السلام عليكم
حببتي هوني عليك واستغفري الله وادعيه ارجع لك زوجك
قد يكون زوجك متضايقا من إطالتك في بيت أهلك?
|
ونعم بالله عزيزتي لكن لا اظن بأنه متضايق من اطالتي اولاً
انا بكر وطبيعي اقعد هالفترة عند اهلي وثانياً لو كان متضايق كان خبرني
بس بالعكس كان الموضوع بالنسبة له عادي يعني لو اني طولت اكثر ماتفرق
عنده !
اقتباس:
سبحان الله ..
قصتك مشابهه تماماااااااااااااااااااااا لقصة اختي ..
ولدت اول طفل لها بعمليه قيصريه .. وتركها 3 شهور عندنا ..
يجلس في المجلس ويقول جيبو ولدي اشوفه .. وابوي الله يهديه يجيب له الولد يشوفه ..
ما يبغى يشوف اختي ولا يجلس معها ..
ومثل ما ذكرتي .. افلام اباحيه .. وصور خليعه ..
لا والمشكله انه متدين .. ولحيه .. وثوب قصير..
تقول اختي قهرني .. مره دخل عليها بعد الولاده باسبوعين .. وهي عندنا في البيت .. طبعا متزينه كانها عروووس ..
دخل عليها .. منزل غترته على وجهه ما يبغى يشوفهااا ..
ولها الحين ولد وبنتين .. كل ما تجيب طفل يسوى معها نفس الشي ..
بصراحه الغلط غلط اهلي .. هم سكتو له وتمادى .. صار كل فتره ينطلها عندنا في البيت ولا يسأل عنها ويجي عند باب البيت يقول طلعو لي عيالي ..
المفروض اهلك .. يروحون لكبير في عائلته ويشتكونه .. ويقولون له تصرفو مع ولدكم .. احنا لو عرفنا انه هذا فعله ما زوجناه ..
اهم شي لا تستكوووون له .. انتبهي .. هذي النوعيه تتمادى اكثر واكثر واكثر ..
|
الله يعينا على هالنوعية من الرجال بس ماني معاج في مسئلة اني اخبر احد
من اهلي لأن الأهل ماراح ينسون هالشي طول عمرهم مهما تصلح الحال وما احب
تكون في بصمة في حياتي يتذكرها علي الاهل وثانياً راح اجرح نفسي اكثر لو رجع لي
بضغط من احد ابيه يرجع من نفسه وخصوصاً انه من نواحي ثانيه مو مقصر يعني يهتم بطلباتي
ومايعصب معي بس هذا الهجر للفراش وعدم الرغبة اللي عنده ماني عارفه سببها
التعديل الأخير تم بواسطة فقيرة خبرة ; 13-05-2007 الساعة 11:34 AM