السلام عليكم ورحمة الله وبركاته

مبارك على صديقك
وبصراحة الله يعينه
والحمد لله انه اكتشف طبيعتها من البداية
حتى يسهل عليه تغيرها
اولا : كلام البتول صحيح 100%
طالما هو في بداية الزواج يعني لازم عليه يكون حازم لأنها اذا بتتعود عليه ترفع صوتها ويسكت ترى بتتطاول عليه وبتتمادى

وانت تقول ان شخصيته قوية مع اصحابه بس هذا مو معناه ان شخصيته راح تكون قوية مع زوجته
وخاصة انه طيب واكيد انه يبغى يسعد زوجته ان شاء الله وممكن يتنازل عشان خاطرها

انا برأي انه يفتح معاها الموضوع
ويكون بذكره لها محاسنها والاشياء إلي تعجبه فيها و تجعله متمسك بها مثل دينها واخلاقها
ويقولها بس الشيء إلي اتمنى انك تغيريه اسلوبك في المناقشة لانك تتحمسي شوية ويرتفع صوتك
وانا ما افضل هذه الطريقة
واحب اننا نتفاهم ونتناقش من غير زعل ورفع صوت
ويقولها انا عارف ان هذا طبع فيك وانت ما تحسيبه
بس انا زوجك ومن واجبي انبهك اذا لاحظت عليك شيء
لاني ابغاك تكوني افضل انسانة في العالم
ونفس الشيء اذا انت لاحظتي عليه غلط اتمنى انك ما تسكتي عليه وتقوليلي وتساعديني على تغيريه
وبعد ما يقولها كذا يحاول يلطف الجو شوية

وبعدها اذا بدأصوتها يرتفع خلال مناقشاتهم مع بعض
يقولها خلينا نأجل الكلام في الموضوع لما تهدئي شوية
لاني ما ابغى اتكلم معاك وانت معصبة
ولا يتبع معاها نفس اسلوبها ويرفع صوته هو كمان لانها راح تزيد
بالعكس يحاول يكون هاديء وفي نفس الوقت لا يسكت ويعدي الموقف بسهولة من غير ما ينبها

اذا مازال الوضع متأزم ومانفع معاها:
يتبع الطريقة التالية (الي انا ما افضلها ابدا):
اذا رفعت صوتها مايرد عليها
ويبين لها انه مضايق من هذا الشيء

واحب اني انبه لامر :
خليه يعالج هذا الامر من الان لا يأجله الى ما بعد الزواج
لانه كل ما اجله راح يزيد صعوبة عليه وبعدها ماراح يقدر يغيره ابدا وراح يطر يتنازل عن اشياء كثيرة

والله يوفق بينهم ويجمعهم على خير