بالنسبة لي الزواج عطاني احلى واغنى هديه وهي عيالي وانااشوف الامل فيهم وعساهم يعوضوني خير لين كبروا على الصبر اللي صبرته علشانهم
عطاني الصبر وعلمني عليه لدرجة انه الصبر يبي صبر مني وحملني المسؤلية مع اني صغيره فشلت مسؤلية اللي اسمه زوجي قبل لا تجيني العيال وشلت مسؤليتهم معه بعد ماالله رزقني فيهم لان هو شايل يده من كل شي بس ياكل ويشرب ويمسح يده في الطوفه باختصار صرت مسؤله عن بيت كامل بكل مافيه من صغيره وكبيره
الزواج عطاني الحسرة وغصه وجمرة في جوفي ونار ماتطفي والالم والمعاناة والقهر والحرمان مثل اللي بيموت من العطش وقدامه الماي ومايقدر يشربه لان اذا اشربه بيموت فالاحسن له انه يصبر على العطش خير من انه يموت وعطاني الانهيا رالعصبي والتعب النفسي لي ولاعز مااملك وهم عيالي فهم يعانون معي من اللي اسمه ابوهم
بالنسبه للاشياء اللي اخذها مني الزواج هو اخذ عمري وحياتي فانا اعتبر نفسي ميته جسد بلا روح بس شايله نفسي علشان عيالي لاني اذا طحت محد بيقوم فيهم غيري واخذ مني الفرح والسعاده اللي عدي بها من قبل لااتزوج
واخذ مني راحة البال اللي هي نعمه كبيره